Buraxılış imtahanlarında yenilik ediləcək


Gələn il buraxılış imtahanlarında yeniliklər tətbiq olunacaq.

Bu barədə təhsil nazirinin müavini Ceyhun Bayramov “Ədəbiyyat biliciləri” müsabiqəsi qaliblərinin mükafatlandırılması mərasimində məlumat verib.

Qeyd olunub ki, növbəti tədris ilində IX sinifdə təhsil alacaq şagirdlər 2008/2009-cu tədris ilindən tədrisinə başlanan kurikulum proqramı üzrə təhsil alan uşaqlardır. Onlar IX sinfi bitirəndə qiymətləndirmədə müəyyən yeniliklərin tətbiqi gözlənilir. Belə ki, növbəti tədris ilindən etibarən şagirdlərin yazı qabiliyyətlərinin yoxlanılması, inkişaf etdirilməsi və stimullaşdırılması məqsədilə buraxılış imtahanının tərkib hissəsi kimi esse (yazı işləri) tətbiq olunacaq.

Nazir müavini qeyd edib ki, hazırda müvafiq dövlət qurumları ilə bu istiqamətdə işlər davam etdirilir. Yeni tədris ilinin əvvəlində bu yeniliyin hansı formada həyata keçirilməsi, kimə şamil edilməsi barədə ictimaiyyətə ətraflı məlumat veriləcək.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu