"2" alan məzunların sayı azalır- Təhsil Nazirliyi
Bu barədə Təhsil TV-nin “Təməl” verilişində Təhsil Nazirliyinin Təhsilin inkişafı proqramları şöbəsinin müdiri Emin Əmrullayev deyib.
Onun sözlərinə görə, buraxılış imtahanlarının nəticələri ildən-ilə yaxşılaşır. "2013-cü ildə 9-cu siniflər üzrə hər iki fəndən 42 faiz şagird müsbət qiymət almışdı, 2014-cü ildə bu faiz 62, 2015-ci ildə 64, 2016-cı ildə isə 67 faiz təşkil edib.
Rəqəmlərlə desək, il ərzində orta məktəbi 100-110 min şagird bitirir. 2012-ci ildə 55 minə qədər şagird hər iki fəndən müsbət qiymət alırdısa, bu il hər iki fəndən "2" alanların sayı 38 minə qədər düşüb. Yəni "2" alanların sayı 17 min nəfər azalıb. Bu tendensiya davamlıdır".
E. Əmrullayev deyib ki, ötən il buraxılış imtahanlarında şagirdlərin yarıdan çoxu bu və ya digər fəndən “2” qiyməti almışdı. Lakin cari ildə bu göstərici yalnız 4 rayonda qeydə alınıb. (Azvision)
