Sağlamlıq imkanları məhdud gənclər peşə təliminə cəlb olunub




Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 saylı Sağlamlıq imkanları məhdud gənclərin Peşə Reabilitasiya Mərkəzində indiyə qədər 1 150 nəfər gənc peşə hazırlığı kurslarına cəlb olunub. Hazırda isə Mərkəzdə 105 nəfər gənc peşə təlimindədir.

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AFN-ə verilən məlumata görə, prezident İlham Əliyevin sağlamlıq imkanları məhdud gənclərə xüsusi qayğısının nəticəsi olaraq yaradılan mərkəz bu təbəqədən olan gənclərin peşə reabilitasiyasında və məşğulluq imkanlarına yiyələnmələrində mühüm rola malikdir. Mərkəzdə ölkəmizin bütün bölgələrindən sağlamlıq imkanları məhdud gənclər kompüter istifadəçisi və kompüter dizayneri, dərzi, bərbər, toxuculuq, ağac üzərində oyma, rəssamlıq, kulinariya, xalçaçılıq, rəssamlıq, tikiş, toxuma və s. peşələr üzrə peşə hazırlığı kurslarına cəlb olunurlar. Kursları bitirdikdən sonra isə onlara peşə şəhadətnamələri təqdim edilir. Peşə təlimində olduqları müddətdə onların dövlət hesabına yataqxana, yemək, tibbi-fizioterapevtik xidmət və s. ilə təminatı da həyata keçirilir.

Burada peşə hazırlığı kurslarında olan sağlamlıq imkanları məhdud gənclərin cəmiyyətə fəal inteqrasiyasının dəstəklənməsi üçün digər istiqamətlərdə də mühüm tədbirlər görülür. Buna misal olaraq, ötən dövrdə ölkəmizdə yüksək səviyyədə keçirilən “Bakı-2015” ilk Avropa Oyunlarında və IV İslam Həmrəyliyi Oyunlarında, “Formula-1” üzrə Avropa Qran-pri yarışlarında bu Mərkəzdən olan gənclər də könüllü kimi iştirak edib və göstərilən etimadı uğurla doğrultuqları üçün sertifikatlara layiq görülüblər.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu