Metroda mütaliə...

Xəbərin çap versiyası
Tarix: 12-09-2017, 18:12    |    Xəbər oxunub: 581 dəfə
Metroda mütaliə...


Vüsal BAĞIRLI



Döngəni burulub keçidin yanındakı kitab dükanına çatıram.

Başı məchul bir telefon oyununu səylə oynamağa qarışmış satıcının yanında dayanıram. Agımtıl yaşıl rənglənmiş köhnə rəflərdə çəpinə və eninə duzulmuş kitab sıralarını nəzərdən keçirirəm.

Diqqətimi iki əsər cəlb edir. Dostoyevskinin “Ölü evdən qeydlər” və Kutzeenin “Barbarları gözləyəkən”i. Qiymətinə baxıram. Bu dəfə ikisini də almağa pulum yoxdur. Seçim etməliyəm. Hansını? Qərar verə bilmirəm. Qoy püşk müəyyən etsin. Dəmir pul havada fırlanaraq ani parıltıyla ovcuma düşür. Satıcı oyundan ayrılıb təəccüblə mənə baxır. Eybi yox, qoy bu dəfə olsun klassik ədəbiyyat.


Yeni təmir olunmuş metronun işiqli perronunda əlimi çantama atiram. Ehmalca “yol yoldaşımı” əlimə götürürəm Bu bir az əvvəl aldığım həmin o kitabdır.

Metroda kitab oxumağın müxtəlif özəllikləri var. Yeraltı dünya tanrısı Aidin səltənətində bu mənə ev və iş arasındakı dokkuz stansiyalıq gündəlik marşrutun darıxdırıcı özəlliklərini dəf etməyə kömək edir.

Perrondan qatara ayaq basarkən aşkar edirsən ki, hər şey ilk baxışdan göründüyü qədər asan və rahat deyil. İçəridəki basabas və vur-çatlasın içərisində bir sərkərdə uzaqgörənlıiyi ilə qərar qəbul edib, kitab oxumaq üçün uyğun yer seçməlisən. Əks halda 40-45 dəqiqəlik uzun yolda, kiminsə yorğun və bikef üzü, digərinin boşboğazlığı səni təqib edəcək. Mən adətən bunun üçün kürəyimi “söykənməyin” yazılmış istifadəsiz qapiya dayaq edirəm. Bu mövqe digər yerlərdən nisbətən əlverişlidir.
Kitab oxumağa dalarkən fiziki bədənimiz yırğalanaraq tunellə hərəkət edən qatarda olsa da, şüurumuz zaman və məkan səddini aşaraq əsərin içinə baş vurur.....

Bu zaman müxtəlif unikal hadisələr baş verə bilər. Bəzən üzündən zəhrimar yağan qaşqabaqlı biri təsbehini burnunun ucunda oynadaraq deyir:

- Qərdeşim, nə oxuyursan belə, avtoritetlərdən yazıblar?
Başımla təsdiq edirəm.
İki oğlan yanımda dayanır. Biri dirsəyi ilə dümsükləyir:
- Kim haqqında oxuyursan?
Qatarın yeknəsəq səsinə qarışan səsim zəifləyərək inamsız səslənir:
- Qoqol
Gülüşmə səsi eşidilir:
- Ala, sən qoğalı hələ indi başlamısan?

Digəri oxuduğum əsəri haradan ve neçəyə aldığımı dəqiqləşdirir və hətta kitabın fotoşəklini də çəkir.

Beləliklə, mütaliə zamanı özünün də xəbərin olmadan diqqəti cəlb edir, istəmədən və bilmədən kitab satışının havayı işləyən reklam agentinə çevrilirsən. Istənilən halda, metroya minərkən özünüzlə kitab götürün. Bu, ən faydalı məşğuliyyətdir....







AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Az qala banklara yalvarırıq-

Az qala banklara yalvarırıq- Qənirə Paşayeva

“Ermənistan “dəvəquşu siyasəti”nə son qoymalıdır”-

“Ermənistan “dəvəquşu siyasəti”nə son qoymalıdır”- XİN

“Onlayn mediaya 1 milyon ayrılsın” -

“Onlayn mediaya 1 milyon ayrılsın” - deputatdan təklif

Əmək pensiyaları artırılacaq-

Əmək pensiyaları artırılacaq- rəsmi

MSK sədri prezident seçkilərindən danışdı

MSK sədri prezident seçkilərindən danışdı

Ramiz Mehdiyev MDB-dəki problemləri müzakirə edib

Ramiz Mehdiyev MDB-dəki problemləri müzakirə edib

“Hökumət büdcəyə görə məsuliyyət daşıyır”-

“Hökumət büdcəyə görə məsuliyyət daşıyır”- Valeh Ələsgərov

DİN Qaradağdakı avtobus qəzası ilə bağlı məlumat yaydı

DİN Qaradağdakı avtobus qəzası ilə bağlı məlumat yaydı

Parlamentdə maliyyə amnistiyası təklif edildi

Parlamentdə maliyyə amnistiyası təklif edildi

İnsanların icbari tibbi sığortaya ehtiyacı var-

İnsanların icbari tibbi sığortaya ehtiyacı var- millət vəkili

Telman İsmayılov Fransadan siyasi sığınacaq istədi

Telman İsmayılov Fransadan siyasi sığınacaq istədi

Rəsulzadənin xanımının məzarı ilə bağlı müəmma

Rəsulzadənin xanımının məzarı ilə bağlı müəmma

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur