Bakı kəndlərinin su və kanalizasiya problemi nə vaxt həllini tapacaq?

Xəbərin çap versiyası
Tarix: 13-09-2017, 14:30    |    Xəbər oxunub: 576 dəfə
Bakı kəndlərinin su və kanalizasiya problemi


Azərbaycanda ayrı-ayrı torpaq sahələrinin yüksək ranqlı məmurlar tərəfindən zəbt edilməsi, əraziləri istədikləri qiymətə satması heç kimə sirr deyil. Nəticədə satılan torpaqlarda heç bir plana uyğun olmadan salınan fərdi yaşayış evlərində su və kanalizasiya problemləri yaranır. Bəziləri öz həyətlərində kanalizasiya quyusu qazmaqla problemdən çıxış yolu tapsa da, ümumilikdə məsələ həll olunmamış qalır. Hazırda Bakıətrafı qəsəbələrdə minlərlə sakin içməli su və kanalizasiya problemindən əziyyət çəkir.

Məsələ ilə bağlı Modern.az-a danışan “Azərsu” ASC-nin mətbuat xidmətinin rəhbəri Anar Cəbrayıllı bildirib ki, dövlət başçısı ölkə ərazisində su və kanalizasiya sistemlərində işlərin görülməsilə bağlı 8 sərəncam imzalayıb:

“Sərəncamdan irəli gələrək, Binəqədi, Novxanı, Mehdiabad, Mərdəkan, Şağan, Şüvəlan, Binə, “28 May” qəsəbələrində su və kanalizasiya xətləri yenidən qurulacaq. Məsələn, Mərdəkan qəsəbəsində 15 kilometr su xətti, 2 kilometr kanalizasiya xətti çəkiləcək. Şüvəlanda 10, 6 kilometr su şəbəkəsi, Şağanda 9 kilometr, Binədə 2,5 kilometr su şəbəkəsi çəkiləcək”.

A.Cəbrayıllı bildirib ki, Bakıtrafı kənd və qəsəbələrdə 800 kilometrdən artıq yeni su xətti istifadəyə verilib:

“Ən uzun su xətti Balaxanıda 130 kilometrdir. Bu işlər çərçivəsində heç vaxt su almayan Pirallahı, Qalaya su verilib. Hazırda Abşeron ətrafında üç beynəlxalq layihə icra olunur. Badamdar qəsəbəsində su və kanalizasiya sistemlərinin yenilənməsinin birinci mərhələsini bu ilin sonuna yekunlaşdırmağı planlaşdırırıq. Xırdalan şəhərində su və kanalizasiya sistemlərinin yenidənqurulması işlərinə bu ilin iyun ayında start verilib. Bunlarla yanaşı, Pirşağı çirkab su təmizləyici qurğusunun tikintisi həyata keçirilir”.

Onun sözlərinə görə, Ceyranbatan xətti üzrə ümumilikdə 89 400 nəfərə ilk dəfə su verilib:

“Hazırda “Azərsu” ASC 60-dan çox qəsəbə, kənd və yaşayış massivində müvafiq işlər həyata keçirir. Gülüstan qəsəbəsində 8100 nəfərə, Balaxanıda 12700 nəfərə, Yasamalda 2400 nəfərə, Binədə 9800 nəfərə, Buzovnada 8700 nəfərə, Şağanda 8900 nəfərə, Şüvəlanda 3600 nəfərə, Mərdəkanda 8900 nəfərə, Qalada 5800 nəfərə, Zirədə 5800 nəfərə, Türkanda 3200 nəfərə, Pirallahıda 16 min nəfərə ilk dəfə şirin su verə bilmişik.
Ceyranbatan xətti üzrə ümumilikdə 89400 nəfərə ilk dəfə su verilib, 2900 nəfərin su təchizatı yaxşılaşdırılıb. Məsələn, Digah qəsəbəsi həftədə bir dəfə su alırdı, amma indi qəsəbədə hər gün su var. Kürdəxanı qəsəbəsində Koreya hökumətinin qrantı hesabına qurulan yenidənqurma işləri nəticəsində 14 min sakin 24 saat su alır”.



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Az qala banklara yalvarırıq-

Az qala banklara yalvarırıq- Qənirə Paşayeva

“Ermənistan “dəvəquşu siyasəti”nə son qoymalıdır”-

“Ermənistan “dəvəquşu siyasəti”nə son qoymalıdır”- XİN

“Onlayn mediaya 1 milyon ayrılsın” -

“Onlayn mediaya 1 milyon ayrılsın” - deputatdan təklif

Əmək pensiyaları artırılacaq-

Əmək pensiyaları artırılacaq- rəsmi

MSK sədri prezident seçkilərindən danışdı

MSK sədri prezident seçkilərindən danışdı

Ramiz Mehdiyev MDB-dəki problemləri müzakirə edib

Ramiz Mehdiyev MDB-dəki problemləri müzakirə edib

“Hökumət büdcəyə görə məsuliyyət daşıyır”-

“Hökumət büdcəyə görə məsuliyyət daşıyır”- Valeh Ələsgərov

DİN Qaradağdakı avtobus qəzası ilə bağlı məlumat yaydı

DİN Qaradağdakı avtobus qəzası ilə bağlı məlumat yaydı

Parlamentdə maliyyə amnistiyası təklif edildi

Parlamentdə maliyyə amnistiyası təklif edildi

İnsanların icbari tibbi sığortaya ehtiyacı var-

İnsanların icbari tibbi sığortaya ehtiyacı var- millət vəkili

Telman İsmayılov Fransadan siyasi sığınacaq istədi

Telman İsmayılov Fransadan siyasi sığınacaq istədi

Rəsulzadənin xanımının məzarı ilə bağlı müəmma

Rəsulzadənin xanımının məzarı ilə bağlı müəmma

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur