Nazirlik sosial sığınacaq haqda yazılanları yalanladı

Xəbərin çap versiyası
Tarix: 7-12-2017, 23:33    |    Xəbər oxunub: 523 dəfə
Nazirlik sosial sığınacaq haqda yazılanları yalanladı


"Sosial Sığınacağa müvafiq şəxslərin qəbulu üçün onlardan hansısa sənədlərin tələb olunması barədə yazılanlar doğru deyil".

Bu barədə Əmək və Əhalinin Sosial Müdafiəsi Nazirliyinin İctimaiyyətlə Əlaqələr Şöbəsinin müdiri Elman Babayevin “Facebook” səhifəsindəki açıqlamasında bildirilib.

Açıqlamada deyilir: “Yaşayış yeri olmayan 18 yaşdan yuxarı şəxslər üçün Sosial Sığınacağın fəaliyyətə başlaması yeni sosial müdafiə əhəmiyyətli bir tədbir olmaqla, yaşayış yeri olmayan insanların dövlət tərəfindən himayə olunduqlarını, onların ən çətin vəziyyətlərində taleyin ümidinə buraxılmadıqlarını göstərir. Bununla belə, bəzi KİV-lərdə bu tədbirlə bağlı aidiyyəti mənbədən heç bir məlumat alınmadan və dəqiqləşdirmə aparılmadan, qeyri-obyektiv fikirlərin ifadə olunması təəssüf hissi doğurur. Belə yazılarda yaşayış yeri olmayan şəxslərin sığınacağa qəbulu üçün onlardan şəxsiyyət vəsiqəsi, sağlamlıq arayışı tələb olunduğu, həmin insanların isə mövcud vəziyyətlərində belə sənədlərinin olmadığı bildirilir, bununla sığınacağa qəbul prosedurunun guya mürəkkəbliyini sübut etməyə cəhd olunur.

İlk növbədə diqqətə çatdırırıq ki, Sosial Sığınacağa müvafiq şəxslərin qəbulu üçün onlardan hansısa sənədlərin tələb olunması barədə yazılanlar müəllifin sadəcə öz təxəyyülünün məhsuludur. Belə ki, məlumat verildiyi kimi, daxili işlər və yerli icra hakimiyyəti orqanları, bələdiyyələr tərəfindən yaşayış yeri olmayan 18 yaşdan yuxarı şəxslər müəyyən edilərək, onların Sosial Sığınacağa yerləşdirilməsi ilə bağlı Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna müraciət olunur. Yəni həmin qurumlar müvafiq şəxsin kimliyini müəyyən etdikdən sonra onun Sosial Sığınacağa yerləşdirilməsi ilə bağlı müraciət edirlər.

Şəxs sığınacağa qəbul olunarkən ondan sağlamlıq arayışı da tələb olunmur və müəssisədə ilkin tibbi müayinə əsasında onun yoluxucu xəstəliklərinin olub-olmadığı müəyyən olunur. (Belə xəstəliyi olarsa, həmin şəxs aidiyyəti üzrə stasionar müalicə müəssisəsinə göndərilir).

Əgər şəxs özü sosial sığınacaqda yerləşmək üçün müraciət edərsə belə, onun üzərində sənədlərinin olub-olmamasından asılı olmayaraq, sosial sığınacaqda yerləşməyə tələbatı olduğu halda onun müəssisəyə qəbul edilməsi təmin edilir. Yalnız bundan sonra aidiyyəti orqanla birgə araşdırılaraq onun kimliyi müəyyən olunur. Yəni sosial sığınacaqda yerləşməyə tələbatı olan heç bir şəxs (yoluxucu xəstəlikləri olmadığı halda) sosial sığınacaqdan kənarda qalmır.

Xatırladaq ki, Yaşayış yeri olmayan 18 yaşdan yuxarı şəxslər üçün Sosial Sığınacaq Bakı şəhəri, Sabunçu rayonu, Zabrat qəsəbəsi, Zabrat-Pirşağı yolu 1-ci km. 33 A ünvanında yerləşir. Burada müəyyən yaşayış yeri olmayan 18 yaşından yuxarı şəxslərin qanunvericilikdə nəzərdə tutulan müddətdə (180 gündən çox olmamaqla) yaşaması, onlara sosial-məişət və sosial-hüquqi xidmətlərin göstərilməsi üçün müasir tələblərə uyğun şərait yaradılıb”.



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Yanvarda maaş və pensiyalar artacaq-

Yanvarda maaş və pensiyalar artacaq- RƏSMİ

Deputat:

Deputat: "Mətbuata ordudan yazmağı qadağan etmək doğru deyil"

Bakıda “Texnologiyalar və İnnovasiyalar:İqtisadi islahatlar və inkişaf perspektivləri” mövzusunda konfrans keçirilib

Bakıda “Texnologiyalar və İnnovasiyalar:İqtisadi islahatlar və inkişaf perspektivləri” mövzusunda konfrans keçirilib

Bakıya 20 ədəd avtobus gətirilib-

Bakıya 20 ədəd avtobus gətirilib- FOTOLAR

Diaspor rəhbəri Ukraynanın aparıcı KİV nümayəndələri ilə görüşdü-

Diaspor rəhbəri Ukraynanın aparıcı KİV nümayəndələri ilə görüşdü- FOTOLAR

Silahlı Qüvvələrin rəhbər heyətinin toplantısı keçirilir-

Silahlı Qüvvələrin rəhbər heyətinin toplantısı keçirilir- FOTOLAR

MŞ sədri Tiflisdə beynəlxalq toplantıda iştirak edib

MŞ sədri Tiflisdə beynəlxalq toplantıda iştirak edib

"Bakcell"ə Qərbi Kaspi Universiteti arasında əməkdaşlıq memorandum imzalanıb- FOTOLAR

Kərəm Həsənov Ağcabədidə vətəndaş qəbulu keçirib

Kərəm Həsənov Ağcabədidə vətəndaş qəbulu keçirib

Gəncəyə qarşı təxribat xarakterli yazıların SİFARİŞÇİSİ bəlli oldu-

Gəncəyə qarşı təxribat xarakterli yazıların SİFARİŞÇİSİ bəlli oldu- “Şikayətçilərin” XAÇ ATASI var imiş

Patent və Əmtəə Nişanları Mərkəzi 2017-ci il üzrə “UĞUR” Milli Mükafatının laureatı elan edilib

Patent və Əmtəə Nişanları Mərkəzi 2017-ci il üzrə “UĞUR” Milli Mükafatının laureatı elan edilib

ATMU-da “Turizm biznesi: təhsildən karyera doğru” adlı tədbir keçirilib-

ATMU-da “Turizm biznesi: təhsildən karyera doğru” adlı tədbir keçirilib- FOTOLAR

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur