İşaxtaranların qeydiyyat qaydası dəyişdirilir

Xəbərin çap versiyası
Tarix: 17-04-2018, 14:24    |    Xəbər oxunub: 621 dəfə
İşaxtaranların qeydiyyat qaydası dəyişdirilir


Milli Məclisin Əmək və sosial siyasət komitəsinin iclasında yeni hazırlanan “Məşğulluq haqqında” qanun layihəsi müzakirə olunub.

Komitə sədri Hadı Rəcəbli qanun layihəsi ilə bağlı ümumi məlumat verib. Sonra çıxış edən Əmək və əhalinin sosial müdafiəsi nazirinin müavini İdris İsayev deyib ki, bu qanun layihəsi ilə bağlı yeni yanaşma ortaya qoyulub.

Nazir müavini deyib ki, yeni sənəddə işaxtaran və işsiz şəxslərin müvafiq icra hakimiyyəti orqanında qeydiyyata alınması qaydası tamamilə yenidən müəyyən edilib: “Ümumiyyətlə, qeydiyyata alınma prosedurunun elektron qeydiyyat üzərində həyata keçirilməsi nəzərdə tutulur. İlk dəfə olaraq işaxtaran və işsiz şəxslərə əvvəlcə vakansiya bankından münasib işin onlar tətəfindən seçilməsi hüququ verilir. Onlar bu hüquqdan istifadə etmədikdə isə sistem tərəfindən bu edilir. Münasib iş təklifi üzrə müddət isə 11 gündən 5 günə endirilir. Layihədə aktiv məşğulluq tədbirlərindən biri hesab olunan və hazırda tətbiqinə önəm verilən özünə məşğulluğa dair yeni maddə daxil edilib.

Çünki hazırda qanunda bu tədbiri tənzimləyən müvafiq maddə yoxdur. Yeni maddə ilə özünə məşğulluq tədbirlərinin mərhələləri və müddətləri monitorinq, əmlakların qaytarılması və s. prosedurlar müəyyən edilib. Layihəyə əsasən, mülkiyyətində kənd təsərrüfatına yararlı torpaq payı olub, digər məşğulluğu olmayan şəxslər də, müvafiq şəxslərin ümumi sayının 50 faizindən çox olmamaq şərtilə, özünəməşğulluğa cəlb edilirlər. Layihəyə əsasən, işsiz şəxslərin özünəməşğulluğunun təşkili zamanı ünvanlı dövlət sosial yardımı alan şəxslərə, əlillərə və sağlamlıq imkanları məhdud 18 yaşınadək uşaqlara, bir ildən artıq işsiz kimi qeydiyyatda olanlara, pensiya yaşına iki ildən az qalan şəxslərə, cəzaçəkmə yerlərindən azad edilmiş işsiz şəxslərə üstünlük verilir”.

İ.İsayev qeyd edib ki, layihədə işaxtaran və işsiz şəxslərin sosial təminatlarında əlavələr edilib, peşə hazırlığı aldığı dövrdə işsiz şəxsə müvafiq icra hakimiyyəti orqanının müəyyn etdiyi minimum aylıq əməkhaqqı məbləğində təqaüd veriləcəyi nəzərdə tutulub.

O, qeyd edib ki, bu məbləğ hazırki məbləğdən (75 manat) 1.7 dəfə çoxdur.

Müzakirələrdən sonra qanun layihəsi Milli Məclisin plenar iclasına tövsiyə olunub.(azvision)




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
AXC-nin 100 illiyi ilə bağlı yeni medal təsis edilir

AXC-nin 100 illiyi ilə bağlı yeni medal təsis edilir

Azərbaycanda tikinti proseduru sadələşib-

Azərbaycanda tikinti proseduru sadələşib- VİDEO

Putin etirazlara görə təcili İrəvana zəng edib

Putin etirazlara görə təcili İrəvana zəng edib

Gəncədə məcburi köçkünlərin məskunlaşdığı sanatoriyada yanğın olub

Gəncədə məcburi köçkünlərin məskunlaşdığı sanatoriyada yanğın olub

Pensiya ilə bağlı sorğu icraata qəbul edilib

Pensiya ilə bağlı sorğu icraata qəbul edilib

“Instagram” da bu funksiyanı aktivləşdirdi

“Instagram” da bu funksiyanı aktivləşdirdi

Marsda canlı yaşayır?-

Marsda canlı yaşayır?- Tabut elm aləmində şok yaradıb-FOTOLAR

Rus arxivi açıldı:

Rus arxivi açıldı: “erməni soyqırımı” ilə bağlı şok sənəd

Ermənistanda hakim koalisiya dağıldı

Ermənistanda hakim koalisiya dağıldı

"Ağadadaşın bildiyi o qədərdir"- Nəzakət Teymurovadan etiraz

Bu yol bağlanır

Bu yol bağlanır

Yeni nazirdən daha 4 təyinat

Yeni nazirdən daha 4 təyinat

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur