Sağlamlıq imkanları məhdud uşaqlar üçün yay düşərgəsi təşkil olunub
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 sayli Sağlamlıq imkanları məhdud uşaqlar üçün sosial xidmət müəssisəsində dövlət himayəsində yaşayan uşaqlar üçün JOY Norvec təşkilatı və UAFA Xeyriyyə Cəmiyyətinin dəstəyi ilə yay düşərgəsi təşkil olunub.
Uşaqlar xarici və yerli könüllülərin köməyi ilə çimərlikdə dincəlib, istirahət ediblər. Günün ikinci yarısı isə onların müxtəlif parklara, paytaxtın görməli yerlərinə, istirahət məkanlarına gəzintiləri təşkil olunub. Həmçinin uşaqlar üçün müxtəlif əyləncəli oyunlar keçirilib.
Yay düşərgəsi iki həftə davam edəcək.