Sahil Babayev İsmayıllıda 5 rayonun sakinləri ilə görüşüb

Xəbərin çap versiyası
Tarix: 17-08-2018, 14:43    |    Xəbər oxunub: 639 dəfə
Sahil Babayev İsmayıllıda 5 rayonun sakinləri ilə görüşüb


Əmək və əhalinin sosial müdafiəsi naziri Sahil Babayev İsmayıllı rayonunda həmin rayonun və Göyçay, Ağsu, Şamaxı, Qobustan rayonlarının sakinlərini fərdi qaydada qəbul edib.

Qəbuldan əvvəl nazir S.Babayev və İsmayıllı rayon İcra Hakimiyyətinin başçısı Mirdaməd Sadıqov ümummilli lider Heydər Əliyevin İsmayıllı şəhərindəki abidəsini ziyarət edərək, abidənin önünə gül dəstələri düzüblər.

S.Babayev qəbula yazılmış 64 vətəndaşın hər birini fərdi qaydada qəbul edib. Müraciətlərdə bu və ya digər sosial təminat növünə hüququn olub-olmaması, məşğulluğun təminatı, özünüməşğulluq proqramına cəlb edilmə, bərpa müalicəsinə köməklik göstərilməsi, imtiyazlı şəxslərin mənzillə və minik avtomobilləri ilə təmin edilməsi, əlilliyin qiymətləndirilməsi və s. məsələlər ifadə olunub. Bu məsələlərin hər biri nazirliyin müvafiq struktur bölmələrinin məsul şəxslərinin iştirakı ilə araşdırılıb, qanunvericlik çərçivəsində yerindəcə konkret tədbirlərin görülməsi təmin olunub. Bir sıra şəxslər ehtiyac duyduqları reabilitasiya vasitələri ilə təmin olunma, bərpa müalicəsinə köməklik, peşə hazırlığına cəlb edilmə və s. üçün qeydiyyata alınıblar. Bir neçə vətəndaşa əmək bacarıqlarına uyğun iş yerlərinə göndərişlər verilib. Bir sıra işsiz və işaxtaran şəxslərin isə kiçik ailə təsərrüfatlarını yaratmaq üçün özünüməşğulluq proqramına cəlb olunması qərara alınıb.

S.Babayev nazirliyin məşğulluq orqanları tərəfindən bu ilin 7 ayında İsmayıllı, Göyçay, Ağsu, Şamaxı, Qobustan rayonlarında 2233 nəfərin məşğulluğunun təmin edildiyini, 300-ə yaxın şəxsin peşə hazırlığına cəlb edildiyini bildirib. Nazir Prezident cənab İlham Əliyevin tapşırığına əsasən icra olunan özünüməşğulluq proqramı çərçivəsində bu il bu beş rayon üzrə 323 nəfərin kiçik ailə təsərrüfatlarının qurulmasının nəzərdə tutulduğunu diqqətə çatdırıb. Dövlət başçısının 2 avqust 2018-ci il tarixli Sərəncamının Qarabağ müharibəsi əlilləri və şəhid ailələrinin mənzillə təminatı sahəsində tədbirlərin daha da gücləndirilməsinə imkan yaratdığını vurğulayan S.Babayev İsmayıllı, Göyçay, Ağsu, Şamaxı, Qobustan rayonlarında da bu sahədə işlərin davam etdirildiyini deyib.

S.Babayev bu bölgədə də DOST mərkəzlərinin yaradılacağını, bölgə sakinlərinin həmin mərkəzlərdə nazirliyin xidmətlərindən daha rahat və sadə prosedurlar əsasında faydalanacağını qeyd edib. O, eləcə də istənilən şəxsin hazırkı və gələcəkdə yarana biləcək bu və ya digər sosial təminat hüququ barədə həmin mərkəzlərdə məlumat ala biləcəyini, hər hansı belə hüququ mövcud olduğu halda bu hüququn elə mərkəzlərin özündəcə operativ şəkildə reallaşdırılacağını diqqətə çatdırıb.

Qəbul zamanı vətəndaşlar sosial müdafiə tədbirlərinin ildən-ilə gücləndirilməsinə, əhaliyə dövlət xidmətlərinin keyfiyyətinin artırılması, əhalinin bu xidmətlərdən daha rahat və asan, eyni zamanda şəffaf şəkildə faydalana bilmələri üçün şərait yaradılması istiqamətində görülən işlərə görə Azərbaycan Respublikasının Prezidenti cənab İlham Əliyevə minnətdarlıqlarını ifadə ediblər.

S.Babayev İsmayıllı rayon Məşğulluq Mərkəzində işsiz və işaxtaranlar üçün müasir üsullar əsasında xidmətlərin göstərilməsi üçün yaradılmış şərait və bu sahədə aparılan işlər, əmək bazarı ilə bağlı daim yenilənən informasiya bazası və s. ilə də tanış olub.

Sahil Babayev İsmayıllıda 5 rayonun sakinləri ilə görüşüb





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Əflatun Amaşovdan Fuad Abbasovun saxlanılmasına münasibət

Əflatun Amaşovdan Fuad Abbasovun saxlanılmasına münasibət

XİN:

XİN: Ermənistan "Arsenal"ın erməni futbolçusundan öz təxribatçı məqsədləri üçün istifadə edir

Zelenski Ali Radanı buraxmaq səbəbini açıqladı

Zelenski Ali Radanı buraxmaq səbəbini açıqladı

Hesablama Palatasına yüksək səlahiyyət verilir

Hesablama Palatasına yüksək səlahiyyət verilir

Avropa İttifaqının nümayəndələri Mingəçevir şəhərində tvininq layihəsinin nəticələri ilə tanış olublar

Avropa İttifaqının nümayəndələri Mingəçevir şəhərində tvininq layihəsinin nəticələri ilə tanış olublar

Deputat:

Deputat: "Statistika Komitəsinin sədri bazara gedir ya yox?"

Ermənistan əsir və girovların dəyişdirilməsi təklifinə cavab verib

Ermənistan əsir və girovların dəyişdirilməsi təklifinə cavab verib

Azərbaycan Mətbuat Şurasının təşəbbüsü ilə «Azərbaycana baxış: siyasi maraqlar media müstəvisində» mövzusunda «dəyirmi masa» keçirilib

Azərbaycan Mətbuat Şurasının təşəbbüsü ilə «Azərbaycana baxış: siyasi maraqlar media müstəvisində» mövzusunda «dəyirmi masa» keçirilib

Meriya vətəndaşların

Meriya vətəndaşların "Tarqovı"ya girişinin qadağan edilmə xəbərinə reaksiya verdi

Hasilat Sənayesində Şəffaflıq üzrə Komissiyanın yeni tərkibdə ilk iclası keçirilib

Hasilat Sənayesində Şəffaflıq üzrə Komissiyanın yeni tərkibdə ilk iclası keçirilib

Şəkidə Beynəlxalq Keramika Simpoziumunun açılış mərasimi baş tutub-

Şəkidə Beynəlxalq Keramika Simpoziumunun açılış mərasimi baş tutub- FOTOLAR

Sabunçu bazarında yanğın -

Sabunçu bazarında yanğın - FOTOLAR

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur