Azərbaycanda yayılan qriplə bağlı AÇIQLAMA

Xəbərin çap versiyası
Tarix: 14-01-2019, 18:06    |    Xəbər oxunub: 558 dəfə
Azərbaycanda yayılan qriplə bağlı AÇIQLAMA


Hazırda Azərbaycanda qrip virusu geniş yayılıb. Bağçalar, orta və ali məktəblər, iş yerlərində hər 4 nəfərdən 1-i qripdir. Güclü baş və boğaz ağrısı, öskürəklə müşayiət olunan xəstəlik sağalmaq bilmir.

Qonşu Gürcüstanda sürətlə yayılan və 14 insanın ölümünə səbəb olan “donuz qripi” (A-H1N1 tipi) təhlükəsi isə insanların təşvişini artırır.

Azərbaycan Dövlət Tibb Universitetinin Yolxucu xəstəliklər kafedrasının dosenti, respublikanın baş infeksionisti Cəlal İsayev Modern.az-a bildirib ki, hazırda Azərbaycanda müşahidə edilən xəstəlik mövsümi qripdir: “Hər il olduğu kimi, bu il də respirator qrip virusu mövsümi xarakter daşıyır. Qonşu Gürcüstanda yayılan virusun Azərbaycanda yayılma ehtimalı var, amma hələlik vəziyyət nəzarət altındadır. Bugünədək ölkədə “donuz qripi” virusu təsdiqlənən xəstə yoxdur. Bizim klinikanın üçüncü mərtəbəsi ağır qripli xəstələr üçü hazırlanıb. Amma orada elə bir ağır xəstəmiz yoxdur.

Mövsümi xəstəliyin ağırlaşması da insanın özündən asılıdır. Məsələn, hərarəti olan uşaq bağçaya, məktəbə, yaxud böyüklər işə gedəcəklərsə, ağırlaşma olması təbiidir. Xəstə insanlar ən azı hərarət olan dövrdə evdə qalmalıdırlar ki, ağırlaşma halları olmasın”.

Həkim qeyd edib ki, xroniki xəstəlikləri olan insanlarda qripdən ağırlaşma riski yüksəkdir: “Bu insanlar xüsusilə diqqətli olmalıdırlar. Heç kəs də “həkimlik edib” özünümüalicəyə cəhd göstərməməlidir”.

C.İsayev adi respirator virusun “donuz qripi”nə çevrilmə ehtimalından da danışıb: “Bu iki virus bir-birinə yaxın viruslardır, kliniki olaraq eyni gedişata malikdirlər. “Donuz qripi”ndə ölüm halları çox az olur. Bu da ağırlaşma hallarında qeydə alınır. Gürcüstanda bu virsudan ölən xəstələrdə digər xəstəliklər də olub ki, onların ağırlaşması baş verib. İnsanın özünün immun sistemindən asılı olaraq xəstəlik müxtəlif kliniki formada özünü biruzə verə bilir. Orqanizmin müqavimətinin xəstəliklə mübarizədə böyük rolu var. Amma ümumilikdə adi virusun “donuz qripi”nə çevirlmə ehtimalı yoxdur. Çünki bu virusların ştampları fərqlidir. İnsan eyni anda hər iki virusa yoluxa bilər ki, bu zaman onların kombinasiyası mümkündür. Bu zaman kombinasiyadan yeni ştampların yaranma ehtimalı var. Bu da nadir hallarda rast gəlinən haldır”.

İnfeksionist Azərbayana gətirilən “donuz qripi” peyvəndələrinin istifadəsi üçün göstərişin olmadığını bildirib: “Hazırda epidemoloji vəziyyət o dərəcədə gərgin deyil ki, peyvəndlərdən istifadə olunsun. Peyvəndi özəl təşkilatlar gətirib. Nəzərə almaq laızmdır ki, xəstəliyə tutulandan sonra vurulan peyvəndin effekti olmayacaq. Peyvənd əv azı 2 ay əvvəldən vurulmalıdır ki, insanda virusa qarşı immunitet yaratsın. Bir də qrip əleyhinə aparılan peyvəndlər müəyyən mənada xəstəliyin azalmasına səbəb olur. Amma mütləq şəkildə bu virusdan qoruyacağına təminat yoxdur. Hər halda əvvəllər qrip olan insan bu virusu yüngül keçirir.

Bununla yanaşı, dövlət tərəfindən qabaqlayıcıcı, maarifləndirici tədbirlər həyata keçirilir. Hazırda Azərbaycanda təhlükəli situasiya yoxdur. Belə olsaydı, uşaq bağçaları, məktəblər bağlanardı, xəstə uşaqların təhsil müəssisələrinə buraxılmazdı”.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Braziliya Ciu-Citsu (No-gi) və Kombat Ciu-Citsu  üzrə açıq turnir keçirilib-

Braziliya Ciu-Citsu (No-gi) və Kombat Ciu-Citsu üzrə açıq turnir keçirilib- FOTOLAR

Sumqayıtın

Sumqayıtın "başsız" məktəbləri- SİYAHI

Mən kiməm?-

Mən kiməm?- Əziz Əlibəyli yazır...

“Ştutqart”da vətəndaşları belə aldadırlar-

“Ştutqart”da vətəndaşları belə aldadırlar- Zəmanət yox, geri qaytarma yox…

İsrailin baş naziri ABŞ-a səfərini yarıda saxlayıb

İsrailin baş naziri ABŞ-a səfərini yarıda saxlayıb

İlham Əliyev banqladeşli həmkarını təbrik edib

İlham Əliyev banqladeşli həmkarını təbrik edib

Tramp Türkmənistan qazının Azərbaycan vasitəsilə Avropaya nəqli barədə

Tramp Türkmənistan qazının Azərbaycan vasitəsilə Avropaya nəqli barədə

Qazaxıstanda neft yatağında yanğın baş verib

Qazaxıstanda neft yatağında yanğın baş verib

Dünya çempionumuzun qardaşı faciəvi şəkildə həlak oldu-

Dünya çempionumuzun qardaşı faciəvi şəkildə həlak oldu- VİDEO

10448 tənha ahıl və əlilliyi olan şəxs evlərində sosial xidmətlə təmin olunur

10448 tənha ahıl və əlilliyi olan şəxs evlərində sosial xidmətlə təmin olunur

Aprelin əvvəlindən müharibə veteranlarına Prezidentin aylıq təqaüdü təyin olunacaq

Aprelin əvvəlindən müharibə veteranlarına Prezidentin aylıq təqaüdü təyin olunacaq

Budapeştdə yaşayan azərbaycanlı cəmiyyət rəhbəri

Budapeştdə yaşayan azərbaycanlı cəmiyyət rəhbəri

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur