Öz qızına belə güzəştə getməyən rektor…

Xəbərin çap versiyası
Tarix: 24-04-2019, 11:11    |    Xəbər oxunub: 594 dəfə
Öz qızına belə güzəştə getməyən rektor…


Bir neçə gün öncə dissertasiya işimi cildlətmək üçün çap işləri ilə məşğul olan bir salona getdim. Oranın mənə yardımçı olan əməkdaşı dissertasiyamın ilk səhifəsində Azərbaycan Turizm və Menecment Universiteti yazıldığını görüb maraqla soruşdu ki, çoxmu çətin oldu sizə? Çaşqınlıqla baxdığımı görüb izah etdi ki, onun dostlarından biri bu universitetin ilk tələbələrindən olub, lakin təhsilini 6 ilə güclə bitirib.

Əlaqələrinin genişliyinə arxayın olduğu üçün fənlərə ciddi yanaşmayıb, nəticədə kəsrləri yaranıb. Kəsrlərini düzəltdirmək üçün çox böyük yerlərdən zəng elətdirsə də, rektor bütün tapşırıqları rədd edib və tələbənin yalnız özü oxuyacağı halda imtahandan keçə biləcəyini bildirib. Sonra mənimlə söhbətə girişən bu əməkdaş nəhayətsiz bir təəccüblə bildirdi ki, bilirsiz, həmən rektorun qızı da orada oxuyurmuş və adam heç öz qızına da güzəştə getməyib. Bu yoldaşın dedikləri sonuna qədər haqlı idi, orada oxuduğum və işlədiyim müddətdə Cəfər müəllimin nə qədər obyektiv, savadlı, praqmatik insan olduğunun və o universiteti nə qədər şəffaf təməl prinsiplər üzərində qurduğunun şahidi olmuşam. Lakin bunları mənə nəhayətsiz təəccüblə danışan əməkdaşın təəccübünü çox yaxşı anlayıram, çünki çox təəssüflər olsun ki, ölkəmizdə "yuxarılardan" gələn zəngləri rədd edə biləcək və hətta öz qızına belə güzəşt etməyəcək qədər şəffaf, demokratik rektor gündüz vaxtı əldə çıraqla axtarılır.

Cəfər müəllimin vicdanlı və obyektiv fəaliyyətinin nəticəsi və sübutu Azərbaycan Turizm və Menecment Universiteti idi. Ölkə başçısı onun bu fəaliyyətini dəyərləndirdiyi və uğurlu islahatlar aparacağına inandığı üçün onu 2016-cı ildə ADPU-ya rektor təyin etdi. Lakin təbiidir ki, 100 ildir fəaliyyət göstərən, öz "dəyərləri", "prinsipləri" hətta artıq yerləşdiyi binanın daşına, divarına da hopmuş bir ali təhsil müəssisəsində islahat aparmaq, yenilik gətirmək o qədər də asan iş deyil. Cəfər müəllim burada islahat aparmaq, yeni sistem qurmaq üçün köhnə sistemdən qurtulmalı və əli, ürəyi, vicdanı çirkaba batmış və adət etmiş kadrlardan azad olmalı idi. O, artıq 3 ilə yaxındır bu işlə məşğuldur. Köhnə sistemi dağıtdıqca, kadrların işinə xitam verdikcə müqavimət göstərir, əks-hücuma keçirlər. Mətbuatda oxuduğumuz həqiqəti əks etdirməyən, qərəzli yazılar da bu müqavimətin, əks-hücumun nəticəsi və sübutudur. Yazıları izlədikcə aydın olur ki, yazı tərzi, göstərilən fikirlər, müdafiə olunmağa cəhd edilən iddialar eyni qaynaqdan gəlir.

Bu cür hücumlara dəstək verən media nümayəndələri anlamırlar ki, əslində öz övladlarının gələcəyini baltalayırlar. Cəfər Cəfərov kimi kadrlar ölkəmiz üçün, təhsilimiz çox gərəklidir. Onlara hücum etmək yox, dəstək olmaq lazımdır. ADPU təhsil sistemimizin onurğa sütunudur, indiyə qədər ölkəmizin bütün məktəbləri üçün 100 mindən artıq müəllim hazırlayıb. Oranın məzunları nə qədər şəffaf, demokratik mühitdə təhsil alıb obyektiv yanaşma görsələr, gələcəkdə o qədər də sağlam psixologiyalı şagirdlər yetişdirib cəmiyyətimizin xəstə beyinlərdən təmizlənməsinə yardımçı olacaqlar. Məncə düşünməyə dəyər...

Röyanə Cəfər




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Özünü güllələyən polisin ölümü ilə bağlı cinayət işi başlandı

Özünü güllələyən polisin ölümü ilə bağlı cinayət işi başlandı

ƏMDK mobil qeydiyyat kampaniyasını davam etdirir:

ƏMDK mobil qeydiyyat kampaniyasını davam etdirir: 4 minə yaxın mənzillərin çıxarışı hazırdır

“VTB Bank”da 257 milyon manat yığılmış zərər

“VTB Bank”da 257 milyon manat yığılmış zərər

“Keşikçidağ” Azərbaycanındır -

“Keşikçidağ” Azərbaycanındır - Nazirlikdən açıqlama

AQTA-nın daha bir tender

AQTA-nın daha bir tender "möcüzəsi - Təhməzlinin şirkəti 643 min manatlıq tender udub

Azərbaycanda yeni internet televiziya yaradılıb

Azərbaycanda yeni internet televiziya yaradılıb

“Nar Wi-Fi” ilə bağ mövsümündə internetsiz qalma!

“Nar Wi-Fi” ilə bağ mövsümündə internetsiz qalma!

Türkiyə-Fethiyədə

Türkiyə-Fethiyədə "Qarabağ" həqiqətləri anılıb

Doha İslam Gənclik Forumu keçirilib -

Doha İslam Gənclik Forumu keçirilib - FOTOLAR

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Sabaha olan hava proqnozu açıqlanıb

Sabaha olan hava proqnozu açıqlanıb

“CavanNar” tarifinə qoşul, 10 GB internet əldə et!

“CavanNar” tarifinə qoşul, 10 GB internet əldə et!

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur