“AS Qrup İnvestment” Novruz bayramı ərəfəsində ASAN Könüllüləri Təşkilatının “ASAN məktub” layihəsinə qoşularaq Masallı rayonunda onlarla məktəblinin arsuzunun reallaşmasında iştirak etdi.
ASAN Könüllüləri və şirkət əməkdaşları torpaq çərşənbəsi günü – 19 mart tarixində Masallı “ASAN Həyat” kompleksində 11 məktəbdən olan şagirdləri bir araya topladı və birlikdə bayram şənliyi keçirdilər. Masallı rayonunun Alvadı, Qızılavar, Sığdaş, Bədəlan, Türkoba, Hişkədərə, Mahmudavar, Musaküçə, Alışanlı, Ətçələr və Cəlilabad rayonunun Göytəpə kəndindən olan və www.asanmektub.az saytına məktub ünvanlamış 80 məktəblinin arzusu reallaşıb. Onlardan 40 nəfərinin istəyi “AS Qrup İnvestment” tərəfindən qarşılanıb. Uşaqlara öz istəklərinə uyğun olaraq geyimlər, məktəb ləvazimatları hədiyyə olunub.
Bu layihənin məqsədi xeyirxahlıq ənənələrinə malik olan ölkəmizdə sosial fəaliyyəti yaymaq, maddi qazanc güdmədən uşaqlara sevinc yaşatmaqdır. “ASAN məktub” layihəsi vasitəsi ilə Respublika ərazisində yaşayan uşaq evlərinin, az təminatlı ailələrin və kənardan qayğıya ehtiyacı olan uşaqların arzuları həyata keçirilir.
“AS Qrup İnvestment” əməkdaşları isə mütəmadi icra etdiyi Korporativ Sosial Məsuliyyət siyasətinə uyğun növbəti aksiyanı “ASAN məktub” layihəsinə qoşularaq həyata keçirməkdən məmnunluq duyduqlarını bildirdilər.
