Rauf Mirqədirovun həbs müddəti 4 ay da uzadıldı
Vəkil Fuad Ağayevin "Turan"-a verdiyi məlumata görə, jurnalist məhkəmə iclasında iştirak edib və həbs müddətinin uzadılmasının əsassız, ittihamların absurd olduğunu bildirib. Müdafiə tərəfi məhkəmə qərarından apelyasiya şikayəti verəcək.
Xatırladaq ki, R.Mirqədirov 2014-cü il aprelin 19-da Türkiyədən deportasiyadan dərhal sonra Bakıda saxlanılıb. Ona qarşı Ermənistanın xeyrinə casusluq şəklində dövlətə xəyanət ittihamı irəli sürülüb.