Bədbəxt hadisələrin sayı açıqlanıb


Cari ilin yanvar-oktyabr aylarında istehsalatla əlaqəli bədbəxt hadisələrin sayı 36,2 faiz faiz azalıb

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən verilən məlumata görə, cari ilin ötən dövründə Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən iş yerlərində sağlam və təhlükəsiz əmək şəraitinin yaradılması, işçilərin layiqli əmək şəraiti ilə təmin olunması istiqamətində ardıcıl təbliğat-maarifləndirmə işləri həyata keçirilib. Belə ki, “Təhlükəsiz iş aylıqları” çərçivəsində əmək kollektivlərində görüşlər keçirilərək, işçi və işəgötürənlərə əməyin təhlükəsizliyi norma və standartları, istehsalat qəzalarının qarşısının alınması üçün önləyici tədbirlər barədə zəruri məlumatlar, praktik izahatlar verilib.

Aparılan işlərin müsbət nəticəsi kimi, istehsalatla əlaqəli bədbəxt hadisələrin sayında əhəmiyyətli azalma qeydə alınıb. Cari ilin yanvar-oktyabr aylarında istehsalatla əlaqəli bədbəxt hadisələrin sayı ötən ilin müvafiq dövrü ilə müqayisədə 36,2 faiz, bu hadisələr zamanı xəsarət alanların sayı 40 faizə yaxın, istehsalatla əlaqəli qrup halında bədbəxt hadisələrin sayı isə 13 dəfə azalıb.

Bu ilin oktyabr ayında isə istehsalatla əlaqəli bədbəxt hadisələrin sayı keçən ilin oktyabr ayı ilə müqayisədə 3,6 dəfə azalaraq 8-ə enib. İstehsalatla əlaqəli bədbəxt hadisələr nəticəsində xəsarət alanların sayı 3,2 dəfə azalıb. Habelə ötən ilin oktyabr ayında istehsalatla əlaqəli qrup halında 1 bədbəxt hadisə baş verdiyi halda, son bir ayda belə hadisə qeydə alınmayıb.

İş yerlərində baş vermiş hər bir istehsalat qəzası ilə bağlı qanunauyğun şəkildə təhqiqatın aparılması və müvafiq tədbirlərin görülməsi təmin olunub.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu