Naməlum avtomobil piyadanı vurub qaçdı
APA-nın qərb bürosunun verdiyi məlumata görə, Tovuz-Əlibəyli avtomobil yolunda Əlibəyli kənd sakini, 1959-cu il təvəllüdlü Zirəddin Abdiyev naməlum avtomobil tərəfindən vurulub. Hadisəni törədən sürücü avtomobili ilə ərazidən uzaqlaşıb. Xəsarət alan şəxs Tovuz Mərkəzi Rayon Xəstəxanasına çatdırılıb. Ona ağır kəllə-beyin travması və sol baldır sümüyünün sınığı diaqnozu qoyulub. Vəziyyətinin ağır olduğu bildirilir.
Faktla bağlı Tovuz rayon Polis şöbəsində araşdırma aparılır.