Tələbənin intiharı ilə bağlı açıqlama: "Özünə qapanmışdı..."


Bakı Ali Neft Məktəbinin (BANM) “Proseslərin avtomatlaşdırılması mühəndisliyi” ixtisası üzrə təhsil alan 4-cü kurs tələbəsi Abbasov Hüseyn Maarif oğlu tələbə yataqxanasının 11-ci mərtəbəsindən düşərək vəfat edib.

Ali Neft Məktəbinin mətbuat xidmətindən verilən xəbərə görə, hadisə ilə bağlı hüquq mühafizə orqanları tərəfindən müvafiq araşdırma aparılır. İstintaq getdiyinə görə hadisənin mümkün səbəbləri barədə məlumat verilmir.

Qeyd edək ki, son vaxtlar tələbə özünə qapanıb, son bir ayda dərslərdə iştirak etməyib. BANM-in müvafiq qurumları bununla bağlı tələbənin valideynlərini məlumatlandırblar.

BANM-in rəhbərliyi, professor-müəllim heyəti və tələbələri baş vermiş hadisə ilə bağlı tələbənin ailəsinə və yaxınlarına başsağlığı verirlər.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu