"Ombudsman Haqqında Qanun"un qəbul edilməsinin 15-ci ildönümü qeyd edilib


[bOmbudsmanın Gəncə regional mərkəzinin əməkdaşları tərəfindən Göygöl rayonunda S.Vurğun adına Mərkəzləşmiş Kitabxananın Akt zalında Göygöl rayon İcra Hakimiyyətinin, rayon Gənclər və idman şöbəsinin, rayon sakinlərinin iştirakı ilə “Azərbaycan Respublikasının İnsan Hüquqları üzrə Müvəkkili (Ombudsman) Haqqında Konstitusiya Qanununun qəbul edilməsinin 15-ci ildönümünə həsr edilmiş tədbir keçirilmişdir.[/b]

Tədbirdə təqdimatla çıxış edən Ombudsmanın Gəncə regional mərkəzin rəhbəri Səbuhi Abbasov ilk öncə Müvəkkil xanım Elmira Süleymanovanın salamlarını, qarşıdan gələn “Dünya Azərbaycanlılarının Həmrəylik Günü” və “Yeni İl” münasibəti ilə təbriklərini tədbir iştirakçılarına çatdırmış, Azərbaycan Respiblikası müstəqillik qazandıqdan sonra insan hüquqlarına dair əksər beynəlxalq sənədlərə qoşulduğunu, konstitusiyamızda isə insan və vətəndaş hüquq və azadlıqlarına geniş yer verildiyini qeyd etmişdir. Ölkəmizdə insan və vətəndaş hüquq və azadlıqlarının müdafiəsi işində Ümummilli lider Heydər Əliyevin 1998-ci il fevral ayının 22-də imzaladığı "İnsan və vətəndaş hüquqları və azadlıqlarının təmin edilməsi sahəsində tədbirlər haqqında" fərmanı və 18 iyun 1998-ci il tarixli sərəncamı ilə təsdiq edilmiş "İnsan hüquqlarının müdafiəsinə dair" dövlət proqramının mühüm rol oynadığını, həmin sənədlərdə ölkəmizdə ilk dəfə olaraq insan hüquqları üzrə səlahiyyətli müvəkkil təsisatının yaradılmasının nəzərdə tutulduğunu, nəticədə Azərbaycan Respublikasında 28 dekabr 2001-ci il tarixli İnsan Hüquqları üzrə Müvəkkil haqqında Konstitusiya qanunu ilə konstitusiyamızda və ölkəmizin tərəfdar çıxdığı beynəlxalq müqavilələrdə təsbit olunmuş dövlət və yerliözünü idarəetmə orqanları, vəzifəli şəxslər tərəfindən pozulmuş insan hüquq və azadlıqlarını bərpa edilməsi üçün İnsan Hüquqları üzrə Müvəkkil vəzifəsinin təsis edildiyini diqqətə çatdıran Səbuhi Abbasov fəaliyyətə başladığı gündən cəmiyyətdə layiqli yerini tutan İnsan Hüquqları üzrə Müvəkkil (Ombudsman) təsisatının getdikcə daha da təkmilləşdiyini, insan hüquqlarının müdafiəsində öz tövhəsini verməkdə davam etdiyini, təsisatın insan hüquqları sahəsində nüfuzlu beynəlxalq təşkilatlarla uğurlu əməkdaşlıq qurduğunu, beynəlxalq tədbirlərdə iştirak etməklə və Azərbaycanda bu cür tədbirlər təşkil etməklə Azərbaycan Ombudsman təsisatının əhəmiyyətinin və təcrübəsini daha da artırdığını qeyd etmişdir.

Müvəkkilin fəaliyyətinin hüquqi əsasları, Azərbaycan Ombudsman təsisatının 15 illik çoxşaxəli fəaliyyət istiqamətləri və vətəndaşlara göstərilən xidmətlər barədə hazırlanmış ətraflı təqdimat tədbir iştirakçılarının nəzərinə çatdırılmışdır.

Tədbir iştirakçılarının verdikləri suallar cavablandırılmışdır.

Göygöl rayon İcra Hakimiyyətinin əməkdaşı Babək Rəsulov Azərbaycan Respublikasının İnsan Hüquqları üzrə Müvəkkili (Ombudsman) Haqqında Konstitusiya Qanununun qəbul edilməsinin və Ombudsmanın fəaliyyətinin 15-ci ildönümü münasibətilə Müvəkkil xanım Elmira Süymanovanın rəhbərliyi ilə Ombudsman aparatının əməkdaşlarını Göygöl rayon İcra Hakimiyyətinin başçısı və rayon ictimaiyyəti adından təbrik edərək, Ombudsman təsisatına fəaliyyətlərində uğurlar arzulamışdır.










AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu