Maykl Ceksonun qızından AÇIQLAMA: “Atamı öldürdülər, məni də zorladılar”-FOTO
Maykl Ceksonun 18 yaşlı qızı Paris Cekson “Rolling Stoun” jurnalına verdiyi müsahibədə atasının öldürüldüyünü etiraf edib. Paris Cekson 14 yaşında təcavüzə məruz qaldığını və sonra dəfələrlə intihara cəhd göstərdiyini bildirib: “Həmin adamı tanımırdım, detalları xatırlamaq istəmirəm.
O hadisə əlbəttə ki, həyatımda pis izlər qoyub. Nə edəcəyimi bilmirdim. Ona görə də heç kimə heç nə deməməyə qərar verdim. Bir heç olduğumu düşünərək intihar etmək istəyirdim. Hesab edirdim ki, bu həyatda heç nəyi düzgün edə bilməyəcəm və yaşamağa layiq deyiləm. Pis uşaqlara baş qoşmuşdum, əməlli-başlı anormal olmuşdum”.
Sensasiyalı açıqlamalar verən P.Cekson atasının düşmənləri olduğunu və bunu heç vaxt gizlətmədiyini də vurğulayıb: “Atam onu yox etmək istəyən insanların olduğundan danışırdı. Elə bir nöqtəyə gəlmişdi ki, açıq şəkildə “onlar bir gün məni öldürəcəklər”, - deyirdi. Bu, şahmat oyunu kimidir. Mən o oyunu düzgün oynamağa çalışıram. Həqiqət gec-tez üzə çıxacaq”. (istipress)
