Zərqava məktəbinin iş icraçısından kobud cavab: "Yaxşı eləyirəm"

Xəbərin çap versiyası
Tarix: 7-04-2017, 20:10    |    Xəbər oxunub: 760 dəfə
Zərqava məktəbinin iş icraçısından kobud cavab:


Neçə müddətdir məktəbin bərpası yarımçıq qalıb

Qubanın rayon mərkəzindən 42 km aralıda yerləşən Zərqava məktəbinin işi Allaha qalıb, desəm, səhv eləmərəm. Bir neçə il bundan əvvəl təbii hadisələr nəticəsində iri çatlar əmələ gəlmiş, sürüşmə baş vermiş Zərqava kənd məktəbinin əsaslı bərpa və təmir edilməsi gecikir. Xeyli gecikir.

Hələ 3 il əvvəl Qubanın icra başçısı Yaşar Məmmədov ANS-ə qəzalı məktəbin bərpası üçün vəsait ayrıldığını, problemin qısa vaxt ərzində aradan qaldıracağını demişdi. Həqiqətən, həmin il Zərqava məktəbinin qəzalı, uçub dağılan binasının bərpasına başlanılıb, şagirdlər isə qəzalılıqda və təhlükəlilikdə məktəb binasından heç də geridə qalmayan, yarasalar yuvası olan köhnə klub binasında dərs keçməli olublar. Əgər buna dərs keçmək demək olarsa...

Məktəbin iri çat və dəliklər açılmış sinif otaqlarında, divar və pəncərələrdə müəyyən işlər görülsə də, neçə müddətdir məktəbin bərpası yarımçıq qalıb. Bu hal məktəbin müəllim və şagird kollektivinin, valideynlərin ciddi narazılığı ilə müşayiət olunur. Valideynlərin sözlərinə görə, uşaqlara köhnə klub binasında da dərs keçmək olduqca təhlükəlidir. Bu bina da hər an uçub dağıla bilər. Valideynlər bildirir ki, növbəti dərs ilinə qədər Zərqava məktəbinin bərpası başa çatmazsa, uşaqlarını kütləvi surətdə bu məktəbdən çıxarıb qonşu kəndlərdəki təhsil ocaqlarına aparacaqlar. Çünki, bərbad, adı "sinif" olan otaqlarda keyfiyyətli dərs yazılmasından söhbət belə gedə bilməz.

Qeyd edək ki, Zərqava kənd məktəbində 143 şagirdin təlim-tərbiyəsilə 21 nəfər müəllim məşğul olur. Müəllimlər də qəzalı binada dərs keçməkdən çoxdan usanıblar. Məsələ ilə bağlı Quba rayon təhsil şöbəsinin müdiri Loğman Müslümovla əlaqə saxladıq. Loğman müəllim Zərqava məktəbinin bərpası üçün Nazirlər Kabinetinin xəttilə vəsait ayrıldığını deyərək məktəbdə bəzi işlər görüldüyünü desə də, gecikmə olduğunu təsdiqləyib.

"Hər gün bizə şikayət daxil olur, bərbad gündədir indi dərs keçilən yer də. Bir faciə baş versə, günahkar biz olacağıq. Bu qədər yubanma olarmı?" Quba icra hakimiyyəti başçısının müavini Rəxşəndə Bayramova da Zərqava kənd məktəbinin bərpasının gecikməsini təsdiq edib. Özünün də əslən Zərqava nümayəndəliyindən olduğunu söyləyən müavin xanım da məsələnin müsbət həllinin marağında olduğunu söyləyib.

İcra nümayəndəsinin köməyilə mobil əlaqə yaratdığımız Zərqava kənd məktəbinin bərpası işlərini aparan tikinti təşkilatının iş icraçısı Fuad adlı şəxsdən tikinti barədə soruşmaq istədik. Ağzımızı açar-açmaz Fuad adlı iş icraçısı kobud tərzdə "Nadirə zəng edin" dedi. P.S. Nadir tikinti təşkilatının rəhbəridir. "Dövlət vəsaiti ayrılıb, niyə məktəbin bərpası gecikir?" sualının cavabında isə ondan - "yaxşı eləyirəm"- sözlərini eşitdim. Belə. Görəsən, Nazirlər Kabinetinin ayırdığı dövlət vəsaiti hesabına bərpa etdiyi məktəbin yenidənqurulmasını gecikdirməyə və "yaxşı eləyirəm" deməyə, Fuad "müəllim"ə kim ixtiyar verib?

Zərqava məktəbinin iş icraçısından kobud cavab:

Zərqava məktəbinin iş icraçısından kobud cavab:

Zərqava məktəbinin iş icraçısından kobud cavab:

Zərqava məktəbinin iş icraçısından kobud cavab:





AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
İcra başçısının korteji narazılığa səbəb oldu-

İcra başçısının korteji narazılığa səbəb oldu- Bir polis, 10 mülki avtomobil...+VİDEO

DİDK-da ulu öndərin xatirəsi anılıb

DİDK-da ulu öndərin xatirəsi anılıb

Dövlət Komitəsinin kollektivi ümummilli lider Heydər Əliyevin məzarını ziyarət edib-

Dövlət Komitəsinin kollektivi ümummilli lider Heydər Əliyevin məzarını ziyarət edib- FOTOLAR

ETSN-in kollektivi Ulu Öndər Heydər Əliyevin xatirəsini yad edib

ETSN-in kollektivi Ulu Öndər Heydər Əliyevin xatirəsini yad edib

BNA kollektivi ümummilli lider Heydər Əliyevin məzarını ziyarət ediblər-

BNA kollektivi ümummilli lider Heydər Əliyevin məzarını ziyarət ediblər- FOTOLAR

Dövlət Miqrasiya Xidmətində Ulu öndər Heydər Əliyevin xatirəsi yad edilib

Dövlət Miqrasiya Xidmətində Ulu öndər Heydər Əliyevin xatirəsi yad edilib

“Nar”-dan Yeni il ərəfəsində sərfəli rominq təklifləri

“Nar”-dan Yeni il ərəfəsində sərfəli rominq təklifləri

Bu gün qüdrətli Azərbaycan Ulu Öndərin sayəsində dünyada öz layiqli yerini tutur

Bu gün qüdrətli Azərbaycan Ulu Öndərin sayəsində dünyada öz layiqli yerini tutur

Şahbaz Quliyev və Dilqəm Əsgərov sərbəst buraxıla bilər

Şahbaz Quliyev və Dilqəm Əsgərov sərbəst buraxıla bilər

DİN şəhidlərin ruhuna hörmətsizlik edən gənci araşdırır-

DİN şəhidlərin ruhuna hörmətsizlik edən gənci araşdırır- VİDEO

Kiçik sahibkarlar üçün sürətli amortizasiya tətbiq olunur

Kiçik sahibkarlar üçün sürətli amortizasiya tətbiq olunur

Tanınmış jurnalistdən Heydər Əliyevin xatirəsinə

Tanınmış jurnalistdən Heydər Əliyevin xatirəsinə VİDEOÇARX

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur