Vəlvələ çayı Quba sakinlərinin həyatını təhlükə altına alıb- Tədbir görən isə yoxdur-VIDEO+FOTO

Xəbərin çap versiyası
Tarix: 11-06-2017, 17:38    |    Xəbər oxunub: 973 dəfə
Vəlvələ çayı Quba sakinlərinin həyatını təhlükə altına alıb-



Artıq neçə ildir Vəlvələ çayının vadisində yerləşən Qubanın ən qədim kəndlərindən hesab olunan Qonaqkənd sakinləri çayda suyun səviyyəsinin qalxması səbəbindən narahatçılıq keçirir. Amma hər il suyun daşması vaxtı sakinlərin şikayəti mətbuatda işıqlansa da, rəsmi qurumlara müraciət olunsa da, vəziyyət dəyişməz olaraq qalır. Bütöv kənd əhalisinin həyatı təhlükə altındadır.




Quba sakinləri "həyacan təbili" çalırlar, səslərini isə eşidən yoxdur

Kənd sakinlərinin AFN-ə göndərdiyi şikayət məktubunda bildirilir ki, Qonaqkənd yaşayış məntəqəsi Vəlvələ çayının vadisində yerləşdiyindən dağlardan axıb gələn sel suları qəsəbə üçün həmişə təhlükə yaradır. Qonaqkənd sakini Niyatulla Məhərrəm oğlu Orucovun verdiyi məlumata görə, son günlər bu təhlükə daha da artıb. Vəziyyət o qədər kritikləşib ki, son günlər yağan güclü yağışlar nəticəsində çayın səviyyəsi xeyli qalxıb, evlərin hasarlarına çatıb və hətta həyətyanı sahələrə dolub. Sakinilərin bostanına ziyan dəyib. Onlar mal-qaralarını çölə çıxara bilmirlər və çayın digər sahilinə keçməkdə çətinlik çəkirlər. Ən acınacaqlısı isə, selin qəsəbədə yaşayan 1500-dən çox insanın təsərrüfatına vurduğu ziyan yox, birbaşa onların həyatına təhlükə yaratmasıdır. Kənd sakinləri bildirirlər ki, onlar dəfələrlə məsələ ilə bağlı aidiyyatı dövlət qurumlarına müraciət etsələr də, ciddi heç bir tədbir görülmür. Halbuki real vəziyyət ərazinin relyefinin mürəkkəb olmasına baxmayaraq, təxirəsalınmaz tədbirlərin görülməsini tələb edir.

Niyatulla Orucov bildirir ki, keçən il də sürüşmə nəticəsində keçmiş Atuş kəndinin ərazisində Vəlvələ çayının qabağı "boğulmuşdu" və çayın məcrası genişlənmiş , suyun da səviyyəsi qalxmışdı. Onun sözlərinə görə, son zamanlar qəsəbə sakinlərinin çoxu, selin qəsəbəni basması təhlükəsindən səksəkə içindədir. "Hər an faicə baş verə bilər, camaat su içində qala bilər. Çayın səviyyəsi artıq evlərə çatır. Elə ilk təhlükə zamanı — keçən il sentyabr ayında mən Fövqəladə Hallar Nazirliyinə sel təhlükəsi ilə bağlı teleqram vurdum. Onlar da teleqramı nazirliyin nəzdində olan Tikintidə Təhlükəsizliyə Nəzarət Dövlət Agentliyinə yönəldib və bir müddətdən sonra mənə qəliz və qeyri-konkret bir cavab məktubu gəldi. Hansı ki, bu cavabdan normal heç nə başa düşmək olmur", — sakin bildirib.

Onun dediyinə görə, cavabdan ümumən belə başa düşmək olur ki, FHN hansısa tədbir görməyə tələsmir, daha doğrusu istəmir:

"Halbuki, təhlükə vəziyyətində yaşayırıq və dedyim kimi hər an faciə baş verə bilər. Bu cür laqeyd cavaba görə biz təzədən Fövqəladə Hallar Nazirliyinə məktub yazdıq. Ancaq reallıq odur ki, qəsəbə sakinlərinin bu halı, görünür onların veclərinə deyil".

"Yerli bələdiyyəyə də, Quba Rayon İcra Hakimiyyəti də vəziyyətlə bağlı dəfələrlə məlumat verilib. Ancaq yerli orqanlar hər dəfə "məsələdən məlumatlıyıq" cavabını verir.

"Gəlib baxıblar da. Amma deyirlər, onların yetərincə texnikası yoxdur və bu məsələ dövlət səviyyəsində həll olunmalıdır", — N. Orucov vurğulayıb.

O, camaatın konret istəyini də çatdırıb:

"Bizim istəyimiz odur ki, ya çayın qabağına qoruyucu bənd çəksinlər ki, biz evimizdə rahat yaşaya bilək, ya da bizi buradan köçürsünlər. Çünki bu vəziyyətdə, özü də hər gün, hər saat həyacan içində yaşayırıq. Əgər bizim imkanımız olsaydı, özümüz nəsə bir tədbir görərdik, amma bizim belə imkanımız yoxdur. Allahın ümidinə qalmışıq".

N. Orucov bildirir ki, bir neçə gün bundan qabaq da o məsələ ilə bağlı Quba rayon icra hakimiyyətinin başçısı Yaşar Məmmədova teleqram vurub,amma hələki rekasiya yoxdur.

Ümid edirik ki, bu yazıdan sonra müvafiq qurumlar, ən azından problemə laqeyd yanaşmayacaq, vəziyyət araşdırılacaq və müvafiq tədbirlər görüləcək. Əks halda, yaşanacaqları təsəvvür etmək lazımdır.





Vəlvələ çayı Quba sakinlərinin həyatını təhlükə altına alıb-

Vəlvələ çayı Quba sakinlərinin həyatını təhlükə altına alıb-

Vəlvələ çayı Quba sakinlərinin həyatını təhlükə altına alıb-




AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
ATƏT PA-nın yeni prezidenti məlum oldu

ATƏT PA-nın yeni prezidenti məlum oldu

Əfqanıstanda iki məsciddə törədilən partlayışlarda 59 nəfər ölüb

Əfqanıstanda iki məsciddə törədilən partlayışlarda 59 nəfər ölüb

Rusiya 33 ton pomidoru Azərbaycana qaytardı

Rusiya 33 ton pomidoru Azərbaycana qaytardı

Saakaşviliyə görə Poroşenkonu mühakimə edə bilərlər

Saakaşviliyə görə Poroşenkonu mühakimə edə bilərlər

Bir abituriyent iki qrup üzrə imtahan verə biləcək-

Bir abituriyent iki qrup üzrə imtahan verə biləcək- yenilik

Qoqolun sirli ölümü

Qoqolun sirli ölümü

HHM qoşunlarının növbəti hərbi hissəsi istifadəyə verilib

HHM qoşunlarının növbəti hərbi hissəsi istifadəyə verilib

Azərbaycan-Ukrayna işgüzar görüşü keçirilib

Azərbaycan-Ukrayna işgüzar görüşü keçirilib

Hər gün 7 min körpə ölür

Hər gün 7 min körpə ölür

Bakıda sahibsiz itlər nömrələnəcək

Bakıda sahibsiz itlər nömrələnəcək

Bakıda “Azərsu”ya bina tikən şirkəti Ukraynada yol tenderinə buraxmadılar

Bakıda “Azərsu”ya bina tikən şirkəti Ukraynada yol tenderinə buraxmadılar

Moskvada ermənilərlə taciklər arasında kütləvi dava

Moskvada ermənilərlə taciklər arasında kütləvi dava

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur