Həbs olunan müstəntiq İlhamə Quliyevanın qızıllarını mənimsəyib?

Xəbərin çap versiyası
Tarix: 9-08-2017, 18:51    |    Xəbər oxunub: 1 015 dəfə
Həbs olunan müstəntiq İlhamə Quliyevanın qızıllarını mənimsəyib?


Xalq artisti İlhamə Quliyevaya onun köməkçisi Mehriban Hüseynova tərəfindən sui-qəsd edildiyi barədə iş üzrə şahid qismində çıxış edən şəxs bu günlərdə dələduzluq və vəzifə səlahiyyətlərindən sui-istifadə ittihamı ilə həbs olunan Bakı şəhər Prokurorluğunun İstintaq İdarəsinin böyük müstəntiqi Müşfiq Abbasovla əlaqəsinin olduğunu bildirib.

Məhərrəmova Zəminə Xıdır qızının Sputnik Azərbaycan-a daxil olan bəyanatında bildirilir ki, bu cinayət işinin istintaqını aparan Abbasov ondan aldatma yolu ilə 3 min manat pul alıb.

Məhərrəmova təsdiqləyib ki, Mehriban Hüseynova xalq artistinin adından öz bəzək əşyalarını kimə vəsiyyət etdiyi barədə saxta vəsiyyətnamə tərtib edib. Azərbaycan estradasının primadonnasının ölümünə qədər həmin saxta vəsiyyətnamə Məhərrəmovanın əlinə keçib. Məhərrəmova onu Quliyevaya göstərib. Elə həmin vaxt Quliyevanın oğlunun dostu Vüqar Bəkirov həbs olunub. Bəkirov öz mobil telefonunu və kompüterini Məhərrəmovaya verib ki, zərurət yarananda Quliyevanın iştirakı ilə yazılmış səs yazısını saxlanılan şəxsin təqsirinin olmadığına dair sübut kimi istintaqa təqdim etsin. Məhərrəmova elə bu cür də addım atıb. Sözügedən səs yazısını müstəntiqə verib və bundan sonra Abbasov ona hədə-qorxu gəlməyə başlayıb.

Məhərrəmovanın sözlərinə görə, onunla Abbasov arasında söhbət olub və həmin söhbət zamanı müstəntiq onu Quliyeva ilə Hüseynovanın şəxsi işinə qarışmaqda günahlandırıb. O deyib ki, İlhamə Quliyevanı onu gözləyən təhlükə barədə xəbərdar etmək lazım deyildi. Əgər İlhamə Quliyeva xalq artisti olmasaydı, o zaman həbs oluna bilərdi. Müstəntiq Məhərrəmovanı həbs etməklə hədələyərək ondan 3 min manat pul alıb.

Məhərrəmova bildirib ki, günahı olmayan Bəkirovun azadlığa çıxması və bəraət almasına görə çox şaddır.

Avqustun 9-da Məhərrəmova ilə Abbasovun üzləşməsi olub və bu zaman qadın sabiq müstəntiqdən onun pullarını qaytarmağı tələb edib. Məhərrəmova müstəntiqin qanunsuz fəaliyyətləri ilə bağlı hüquq-mühafizə orqanlarına ərizə ilə müraciət edib.

Xatırladaq ki, Bakı şəhər Prokurorluğunun İstintaq İdarəsinin böyük müstəntiqi Müşfiq Abbasov barəsində Baş prokuror yanında Korrupsiyaya Qarşı Mübarizə Baş İdarəsi tərəfindən Cinayət Məcəlləsinin 308-ci (vəzifə səlahiyyətlərindən sui-istifadə) və 178-ci (dələduzluq) maddələr ilə cinayət işi başlanıb. M. Abbasov həmin maddələr üzrə təqsirləndirilən şəxs qismində cəlb edilməklə barəsində məhkəmənin qərarı ilə həbs-qətimkan tədbiri seçilib.

Cinayət işini Baş Prokurorluğun Korrupsiyaya qarşı Mübarizə Baş İdarəsi aparır. Abbasov artıq tutduğu vəzifədən azad edilib.

Hüquq-mühafizə orqanlarındakı digər mənbələrdən Sputnik Azərbaycan-a verilən məlumata görə, Abbasov məhkəmə prosesində cinayət işinin materiallarını onun xeyrinə dəyişəcəyi vədi ilə vətəndaşdan müəyyən miqdarda pul alıb. Lakin Abbasov verdiyi sözə əməl etməyib və vətəndaşa da pulu qaytarmayıb.

Bir sıra məlumatlara görə, sabiq müstəntiq 25 fevral 2016-cı ildə vəfat etmiş xalq artisti İlhamə Quliyevaya məxsus qızıl və brilyant zinət əşyalarına müdaxilə etməkdə də günahlandırılır. Xatırladaq ki, İlhamə Quliyevanın mirasının bölüşdürülməsi ilə bağlı onun qohumları arasında fikir ayrılıqları mövcuddur.

Hazırda Abbasova qarşı sadəcə bir epizod üzrə cinayət işi açılıb.



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Roberto Karlos həbs edildi

Roberto Karlos həbs edildi

Sutka ərzində havadakı toz-duman çəkiləcək

Sutka ərzində havadakı toz-duman çəkiləcək

Dolların məzənnəsi dəyişmədi

Dolların məzənnəsi dəyişmədi

ABŞ sakini lotereyada 760 milyon dollar udub

ABŞ sakini lotereyada 760 milyon dollar udub

Torpaqların icarə və istifadəsinə ƏMDK-nın rəyi lazım olacaq

Torpaqların icarə və istifadəsinə ƏMDK-nın rəyi lazım olacaq

Sabaha olan hava

Sabaha olan hava PROQNOZU

“Nar Home” TV xidməti sərfəli kampaniyalar təklif edir

“Nar Home” TV xidməti sərfəli kampaniyalar təklif edir

Nazirin Astarada keçiriləcək vətəndaş qəbulunun vaxtı dəyişdirildi

Nazirin Astarada keçiriləcək vətəndaş qəbulunun vaxtı dəyişdirildi

"Qarabağ"ı Bakıda belə qarşıladılar- VİDEO

Piyadanı vurub qaçan sürücü tutuldu

Piyadanı vurub qaçan sürücü tutuldu

Ermənistan ordusunda homoseksuallıq:

Ermənistan ordusunda homoseksuallıq: Gənc əsgərləri zorlayırlar

Prezidentin köməkçisi “Qarabağ”ın qələbəsindən yazdı

Prezidentin köməkçisi “Qarabağ”ın qələbəsindən yazdı

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur