Azərbaycanlı aktrisa “erməni soyqırımı”na aid filmə çəkildi


Rusiyanın Azərbaycan mənşəli teatr və kino aktrisası Səbinə Əhmədova “erməni soyqırımı”nı təbliğ edən və Moskva erməni diasporunun maliyyələşdirdiyi “Yaşaya bilmədiyimiz həyat” qısametrajlı filminə çəkilib.

Modern.az xəbər verir ki, Rusiya ermənilərinin “ArmeniaFutura” layihəsi çərçivəsində çəkilən filmdə hadisələr İstanbul və Sankt-Peterburqda cərəyan edir. Filmin birinci hissəsində Səbinə Əhmədovanın da canlandırdığı erməni ailəsinin 1915-ci ildə İstanbuldakı həyatı, 2-ci hissədə isə onun “soyqırımı”ndan sağ qalan qızınının Sankt-Peterbuqdakı həyatı təsvir olunur.

Filmin ideya müəllifi Emil Arzanqulyan, ssenaristi Narine Aqabalyan, quruluşçu rejissoru isə Aleksandr Sabadır.

“Erməni soyqırımı”nı təbliğ edən filmdə çəkilən Səbinə Gülbəlay qızı Əhmədova 1981-ci il sentyabrın 23-də Bakıda anadan olub. O, Rusiyada böyük auditoriya toplayan “Klub” serialında, “Böyük şəhərdə sevgi”, “Olimpius İnferno”, “8 ilk görüş” filmlərində çəkilib.

Son illərdə isə Səbinə Əhmədova Hollivud filmlərində də rol almağa başlayıb. O, ABŞ-da çəkilən “Mavi arzu”, “Kişilər yalan danışmır” filmlərində və “Sibir” teleserialında oynayacaq.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu