“Elm aylığı” UNEC-də elmi tədqiqatların keyfiyyətini daha da artıracaq

Xəbərin çap versiyası
Tarix: 12-10-2017, 11:51    |    Xəbər oxunub: 569 dəfə
“Elm aylığı” UNEC-də elmi tədqiqatların keyfiyyətini daha da artıracaq


UNEC-də ənənəvi “Elm aylığı”na start verilib.



“Elm aylığı”nın ilk günündə rektor, professor Ədalət Muradov bildirib ki, məqsəd elmi-tədqiqat yönümlü universitetə çevrilməyi hədəfləyən UNEC-də aparılan elmi tədqiqatların səmərəliliyini artırmaq, professor-müəllim heyətini, tələbələri elmi tədqiqat işlərinə stimullaşdırmaq, tədqiqatçı əməkdaşların potensialını üzə çıxarmaq və fikir mübadiləsi aparmaqdır. UNEC-də bu istiqamətdə mühüm addımlar atıldığını, nailiyyətlər əldə edildiyini diqqətə çatdıran rektor, alimlərin tədqiqatlarını ictimai müzakirəyə çıxarması məqsədilə yaradılan diskurs.az virtual iqtisadi forumu, eləcə də ölkə ictimaiyyəti tərəfindən maraqla qarşılanan “UNEC Ekspert” jurnalından bəhs edib.

Ə.Muradov bildirib ki, UNEC-də ixtisas sahələri üzrə 5 tədqiqat mərkəzi yaradılıb ki, burada Avropa, eləcə də İslam iqtisadiyyatı üzrə araşdırmalar aparılır. Eyni zamanda Nobel mükafatçılarının iştirakı ilə beynəlxalq konfranslar təşkil olunur, elmi müzakirələr keçirilir. UNEC alimləri Azərbaycanda ilk dəfə olaraq regionda ən böyük layihə olan Alman Akademik Mübadilə Xidmətinin (DAAD) dəstəyi ilə Almaniya universitetlərində tədqiqat təcrübəsində iştirak ediblər. Differensial Əməkhaqqı Sistemində müəllimlərin reytinqini müəyyən etmək üçün elmi fəaliyyətə 40 % yer verildiyinə diqqət çəkən rektor, UNEC-də elmi nəşrlərin sayının son 3 ildə 2,5 dəfə, xaricdə çap olunan məqalələrin isə 3,6 dəfə artdığını vurğulayıb.

UNEC rektoru universitetdə elmi tədqiqatların keyfiyyətinin daha da artırılması istiqamətində elm günlərinin əhəmiyyətli olacağını bildirib.

Elm şöbəsinin müdiri, professor Zahid Məmmədov “Stratejı Yol Xəritəsi -Elm-təhsil-innovasiya formatına keçid: dünya təcrübəsi və UNEC-də tətbiqi” mövzusunda məruzə ilə çıxış edib. Elmi-tədqiqat universitetinin vəzifələrindən danışan professor həmin universitetlərin əsasında elm və təhsil fəaliyyətini eyni dərəcədə səmərəli həyata keçirən, qabaqcıl elmi tədqiqatlar aparan, keyfiyyətli tədris mühitini təmin edən, yüksək elmi və elmi-pedaqoji kadr potensialına malik olan ali təhsil müəssisəsinin dayandığını qeyd edib. Professor bildirib ki, “Universitetlərdə elmi fəaliyyətin müasir idarəetmə modeli” mövzusunda keçirilən beynəlxalq elmi-praktik konfransda Bakı Bəyannaməsi qəbul edilib. UNEC rektorunun rəhbərliyi ilə yaradılan işçi qrupu universitetlərdə elmi fəaliyyətin səmərəli idarəedilməsi, dünya təcrübəsinin öyrənilməsi istiqamətində təkliflər hazırlayaraq, Təhsil Nazirliyinə təqdim edəcək.

Tədbirdə UNEC-də elmi fəaliyyətin keyfiyyətinin artırılması istiqamətində təkliflər səsləndirilib. Bildirilib ki, universitetdə pedaqoji heyətlə tədqiqatçı alimlərin fəaliyyət istiqamətləri ayrılacaq. Bunun üçün tədris proqramlarında köklü dəyişikliklərə ehtiyac var. İqtisadiyyat üzrə Nobel mükafatçılarının dünyanın diqqət mərkəzində olduğu vurğulanaraq, UNEC-də “Elm aylığı” çərçivəsində iqtisadiyyat üzrə Nobel mükafatçıları haqqında maarifləndirici tədbirlərin keçirilməsinin əhəmiyyəti qeyd olunub. 2017-ci ilin iqtisadiyyat üzrə Nobel mükafatı laureatı Riçard Talerin “Davranış iqtisadiyyatı” kitabının Azərbaycan dilində UNEC-də tərcümə olunması təklif olunub. Növbəti illərdə də UNEC-də iqtisadiyyat üzrə Nobel mükafatçılarının tədqiqatlarının tərçüməsinin həyata keçiriləcəyi bildirilib. Qeyd olunub ki, elmi işlərin təşkili sahələr üzrə təsnifləşdirilməli, elmi tədqiqatların prioritet istiqamətləri müəyyənləşdirilməlidir. Tədbirdə akademik tədqiqatçıların idarəedilməsi, akademik ekspertizanın təşkili barədə də təkliflər səsləndirilib.

“Elm aylığı” çərçivəsində UNEC-də Azərbaycanın tanınmış elm xadimləri və iqtisadçılarının qatılacağı elmi seminar, dəyirmi masalar keçiriləcək, elmi müzakirələr təşkil olunacaq. Eyni zamanda, TEDx beynəlxalq konfransının keçirilməsi də UNEC-də təşkil olunan “Elm aylığı”na daxil edilib.

“Elm aylığı” UNEC-də elmi tədqiqatların keyfiyyətini daha da artıracaq
“Elm aylığı” UNEC-də elmi tədqiqatların keyfiyyətini daha da artıracaq
“Elm aylığı” UNEC-də elmi tədqiqatların keyfiyyətini daha da artıracaq
“Elm aylığı” UNEC-də elmi tədqiqatların keyfiyyətini daha da artıracaq
“Elm aylığı” UNEC-də elmi tədqiqatların keyfiyyətini daha da artıracaq
“Elm aylığı” UNEC-də elmi tədqiqatların keyfiyyətini daha da artıracaq




AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Türkiyə Şərqi Qüdsdə səfirlik açacaq

Türkiyə Şərqi Qüdsdə səfirlik açacaq

Bakıda böyük tikinti şirkətinin rəhbəri həbs olundu-

Bakıda böyük tikinti şirkətinin rəhbəri həbs olundu- YENİLƏNİB

Azərbaycan 10-dan çox ölkəyə hərbi məhsul ixrac edir

Azərbaycan 10-dan çox ölkəyə hərbi məhsul ixrac edir

Sevdiyi oğlanla ailə qura bilməyən qız özünü öldürmək istədi

Sevdiyi oğlanla ailə qura bilməyən qız özünü öldürmək istədi

OPEK-dən Azərbaycan nefti ilə bağlı proqnoz

OPEK-dən Azərbaycan nefti ilə bağlı proqnoz

Azərbaycan cüdoçusu Ukraynanın mütləq çempionu oldu

Azərbaycan cüdoçusu Ukraynanın mütləq çempionu oldu

Kiyevdə Saakaşvili tərəfdarlarının yürüşü başladı

Kiyevdə Saakaşvili tərəfdarlarının yürüşü başladı

Ərdoğanı öldürmək istəyən 9 terrorçu həbs olundu

Ərdoğanı öldürmək istəyən 9 terrorçu həbs olundu

Azərbaycanlı alimin ixtirası “dəm qazı terroru”na son qoyacaq

Azərbaycanlı alimin ixtirası “dəm qazı terroru”na son qoyacaq

Saakaşvili Poroşenkoya barışıq təklif edib

Saakaşvili Poroşenkoya barışıq təklif edib

NATO Rusiya təhlükəsinə qarşı qüvvələri üçqat artırdı

NATO Rusiya təhlükəsinə qarşı qüvvələri üçqat artırdı

Bakıda böyük tikinti şirkətinin rəhbəri saxlanıldı

Bakıda böyük tikinti şirkətinin rəhbəri saxlanıldı

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur