“Azərsun”un sponsoru olduğu verilişdə ermənilər “Can Qarabağ” oxudular- VİDEO

Xəbərin çap versiyası
Tarix: 28-10-2017, 17:03    |    Xəbər oxunub: 2 132 dəfə
“Azərsun”un sponsoru olduğu verilişdə ermənilər “Can Qarabağ” oxudular-


Azərbaycanlılar şirkəti sponsorluqdan imtina etməyə çağırır



Rusiyanın məşhur “Pole çudes” şousunda erməni iştirakçı efirdə “Can Qarabağ” mahnısını səsləndirib.

AFN xəbər verir ki, “Azərsun Holdinq”in (daha dəqiqi, “Azərsun” məhsulu olan “Azərçay”ın) sponsorları sırasında yer aldığı verilişdə erməni iştirakçının ifasından sonra aparıcı Leonid Yakuboviç “Azərçay”ın reklamını səsləndirib.
Azərbaycanlı sosial şəbəkə istifadəçiləri buna olduqca kəskin reaksiya veriblər. Verilişin həmin buraxılışının videosu youtube kanalından silinsə də, müxtəlif mənbələrdə həmin hissə qalmaqdadır. Parçanı redaksiyamıza göndərən oxucular “Azərsun”un verilişin sponsorluğundan imtina etməsinin vacibliyini önə çəkirlər.
Qeyd edək ki, a24.az məsələyə millət vəkillərindən münasibət öyrənib. Millət vəkili Vahid Əhmədov “Azərsun”un həmin verilişə rəsmi olaraq etiraz etməsini və sponsorluqdan imtina etməsini tələb edib. O, bildirib ki, maliyyə dəstəkçisi olduğumuz verilişdə erməni təxribatının törədilməsi mümkünsüzdür: “Bunu qətiyyətlə pisləyirəm. Belə bir verilişdə bizim səsimizi dünyaya çatdırmaq əvəzinə, ermənilərin təxribatı canlandırılırsa, “Azərçay” necə sponsorluq edə bilər? Bununla bağlı holdinq sponsorluqdan imtina etməli və rəsmi olaraq öz etirazını bildirməlidir. Çünki Azərbaycan brendi olan “Azərçay”ın maliyyə dəstəyi verdiyi verilişdə erməninin “Can Qarabağ” mahnısını öz dilində ifa etməsi yolverilməzdir.
Erməni təxribatından söhbət düşmüşkən deyə bilərəm ki, onların təxribatı bitən deyil. Üzdə bir söz danışıb, arxada başqa söz danışan millətdir. Buna görə də onların təxribatlarının qarşısını maksimum dərəcədə almaq lazımdır. Rusiyada fəaliyyət göstərən bir sıra Azərbaycanın diaspora təşkilatları var ki, onlar belə vəziyyətlərdə narazılıq edib, etirazlarını bildirməlidir”.
Deputat Aqil Abbas bildirib ki, bu durum ciddi təxribatdır və Azərsun həmin verilişə olan maliyyə dəstəyini dayandırmalıdır: “Bu məsələ haqqında məlumatım yox idi. Madam ki, deyirsiniz məsələ belədir, bu cür təxribat hallarının törədilməsi yolverilməzdir. “Azərsun” da bu hadisədən sonra öz sponsorluğunu dayandırmalı və ciddi şəkildə həmin verilişə öz etirazını bildirməlidir”.

Fazil Mustafa və Çingiz Qənizadə də məsələyə münasibət bildiriblər. Çox maraqlıdır ki, F.Mustafa şirkətin sponsorluq etdiyi verilişin proqram siyasətinə qarışa bilmədiyini deyib. Ç.Qənizadə isə şirkətin məsələyə münasibət bildirəcəyinə inandığını qeyd edib.

Məsələ ilə bağlı “Azərsun”un mövqeyini verməyə hazırıq.





AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Tanınmış jurnalist Natiq Qədimov vəfat edib

Tanınmış jurnalist Natiq Qədimov vəfat edib

Az qala banklara yalvarırıq-

Az qala banklara yalvarırıq- Qənirə Paşayeva

“Ermənistan “dəvəquşu siyasəti”nə son qoymalıdır”-

“Ermənistan “dəvəquşu siyasəti”nə son qoymalıdır”- XİN

“Onlayn mediaya 1 milyon ayrılsın” -

“Onlayn mediaya 1 milyon ayrılsın” - deputatdan təklif

Əmək pensiyaları artırılacaq-

Əmək pensiyaları artırılacaq- rəsmi

MSK sədri prezident seçkilərindən danışdı

MSK sədri prezident seçkilərindən danışdı

Ramiz Mehdiyev MDB-dəki problemləri müzakirə edib

Ramiz Mehdiyev MDB-dəki problemləri müzakirə edib

“Hökumət büdcəyə görə məsuliyyət daşıyır”-

“Hökumət büdcəyə görə məsuliyyət daşıyır”- Valeh Ələsgərov

DİN Qaradağdakı avtobus qəzası ilə bağlı məlumat yaydı

DİN Qaradağdakı avtobus qəzası ilə bağlı məlumat yaydı

Parlamentdə maliyyə amnistiyası təklif edildi

Parlamentdə maliyyə amnistiyası təklif edildi

İnsanların icbari tibbi sığortaya ehtiyacı var-

İnsanların icbari tibbi sığortaya ehtiyacı var- millət vəkili

Telman İsmayılov Fransadan siyasi sığınacaq istədi

Telman İsmayılov Fransadan siyasi sığınacaq istədi

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur