Bu ilin iki ayında Naxçıvana 45 min 833 turist gəlib
Bu il ərzində Naxçıvan Muxtar Respublikasına gələn turistlərin sayı açıqlanıb.
Naxçıvan Dövlət Statistika Komitəsindən bildirilir ki, bu ilin yanvar-fevral aylarında muxtar respublikaya 45 min 833 turist gəlib. Bu isə 2017-ci ilin müvafiq dövrü ilə müqayisədə 2,6% və ya 1 161 nəfər çoxdur.
Məlumatda o da bildirilir ki, bu ilin 1 fevral tarixinə muxtar respublika əhalisinin sayı bir il öncəyə nisbətdə 3629 nəfər artaraq 453 min 33 nəfər olub.