Cavanşir Feyziyevin “Avromed”lə bağlılığını sübut edən I FAKT

Xəbərin çap versiyası
Tarix: 23-05-2018, 12:14    |    Xəbər oxunub: 1 550 dəfə
Cavanşir Feyziyevin “Avromed”lə bağlılığını sübut edən


Bir neçə gün öncə Milli Məclisin deputatı Cavanşir Feyziyevin “Dərman mafiyası işi” ilə bağlılığı haqda səsləndirilən fikirlər barədə yazmışdıq.

Yazıda C.Feyziyevin özü ilə bağlı “təmizləmə” işinə girişməsi, bunun “Dərman mafiyası işi” ilə əlaqəli olması haqda mediada gedən məlumat vurğulanmışdı. Həmçinin qeyd edilirdi ki, sosial şəbəkələrdə deputatın da bu prosesə cəlb edilməsi haqda fikirlər səsləndirilir. “Detallı olmasa da, insanların bu cür mövqe sərgiləməsinin ehtimal ki, hansısa əsaslı səbəbləri var. Yaxud bəlkə də sadəcə C.Feyziyevin ən böyük dərman firmalarından birinin rəhbəri olması bu cür iddialara səbəb olur. Məsələ hər nədirsə, təəssüf ki, adıçəkilən deputata ulaşmaq, ondan hansısa suala cavab almaq müşkül məsələyə çevrilib. AFN olaraq bir müddət bundan əvvəl “Avromed”in bazardakı rolu ilə bağlı deputata bir neçə sual ünvanlasaq da, cavab ala bilməmişik” – deyə yazıda qeyd edilirdi.
Xatırladaq ki, C.Feyziyev ölkənin dərman bazarında böyük paya malik olan “Avromed” şirkətinin təsisçisidir. Bir müddət əvvəl o, şirkətin təsisçiliyindən imtina etdiyini və səhmlərini satdığını açıqlayıb. Lakin bütün bunlara baxmayaraq, “Avromed”ə hələ də faktiki rəhbərliyi onun etməsilə bağlı iddialar müntəzəm olaraq səsləndirilir.
Yuxarıda haqqında söz açılan yazı saytımızda dərc edildikdən sonra Mətbuat Şurası vasitəsilə redaksiyamıza təkzib məktubu ünvanlayan deputat şirkətlə əlaqəsinin olmadığını dönə-dönə vurğulayır: “…Həqiqətə uyğun olmayan, hüquq-mühafizə orqanları tərəfindən yayımlanan rəsmi məlumatlardan tamamilə fərqlənən fikirlər də diqqət çəkməkdədir. Bu baxımdan adımın “Avromed” QSC ilə bağlılığı barədə də qərəzli materiallara rast gəlinməkdədir. Bəyan edirəm ki, mənim “Avromed” QSC ilə heç bir əlaqəm yoxdur”.
AFN-in araşdırması zamanı C.Feyziyevin “Avromed”lə bağlılığının sübutu sayıla biləcək bir fakt ortaya çıxıb. Belə ki, deputatın media ilə əlaqələrini quran, onun haqqında xəbərləri, xarici mediaya müsahibələrini (təəssüf ki, hörmətli deputat ölkə mediasını yalnız təkzib və hədə-qorxu ilə yada salır, müsahibə vermək, jurnalistləri maraqlandıran sualları cavablandırmaq lazım olanda əlçatmaz olur-H.A) redaksiyalara göndərən xanım “Avromed”də yüksək vəzifə tutur. Şirkətdə baş direktorun insan resursları və ictimaiyyətlə əlaqələr üzrə müavini Şəhla Mahmudovanın həm də hörmətli Cavanşir Feyziyevə ictimaiyyətlə əlaqələr üzrə xidmət göstərməsi fikrimizcə, deputatın şirkətlə bağlılığını sübut edən faktlar sırasına aid edilə bilər. Lakin bu, AFN-in araşdırması zamanı təsdiqini tapan detaldır, hələlik araşdırma mərhələsində olan və faktlarla əsaslandırmağa çalışdığımız bəzi məlumatlar da var. Saytımızı izləyin...

Cavanşir Feyziyevin “Avromed”lə bağlılığını sübut edən


Həbibə ABDULLA




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Alimlər gələcəyin iqlim proqnozunu açıqladılar-

Alimlər gələcəyin iqlim proqnozunu açıqladılar- qorxunc mənzərə

“Azərbaycanlıları məyus olmamağa çağırıram”-

“Azərbaycanlıları məyus olmamağa çağırıram”- çeçen nazirdən növbəti açıqlama

“Sən ordan çıx, mən burdan...”-

“Sən ordan çıx, mən burdan...”- Qalmaqallı prorektorla bağlı növbəti ARAŞDIRMA

Aqil Acalov:

Aqil Acalov: "Azərbaycan və çeçen xalqlarının münasibətləri tarixlə sınanıb"

Elxan Şahinoğlu:

Elxan Şahinoğlu: "Qarabağ Münhenlik deyil"

Lotu Qulinin 3 adamı tutuldu:

Lotu Qulinin 3 adamı tutuldu: polis basqını

Məşhur FHN generalının banka külli miqdarda borcu üzə çıxdı-

Məşhur FHN generalının banka külli miqdarda borcu üzə çıxdı- QALMAQAL

ADRA-dan şikayət-

ADRA-dan şikayət- Pulun nə üçün yığıldığı məlum deyil

Arif Əsgərov və övladlarının Slovakiyadakı biznesi üzə çıxdı-

Arif Əsgərov və övladlarının Slovakiyadakı biznesi üzə çıxdı- FOTOLAR

İlham Əliyev Moskvada baş vermiş hadisədən sonra Polad Bülbüloğluna tapşırıq verdi

İlham Əliyev Moskvada baş vermiş hadisədən sonra Polad Bülbüloğluna tapşırıq verdi

Almaniyada yaşayan həmyerlilərimiz erməni təxribatının qarşısını aldı-

Almaniyada yaşayan həmyerlilərimiz erməni təxribatının qarşısını aldı- FOTOLAR

Əhalinin banklardakı depozit əmanətlərin sığortalanması müddəti artırılır

Əhalinin banklardakı depozit əmanətlərin sığortalanması müddəti artırılır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur