İmişlidə çaydan Azərbaycan vətəndaşlarına məxsus 57 pasport tapıldı
İmişlidə çaydan çoxlu sayda ümumvətəndaş pasportu tapılıb.
APA-nın məlumatına görə, İmişli rayonunun Sarıxanlı kəndində yeniyetmələr Araz çayının qolu olan Boztəpə çayında çimərkən sellofan torba tapıblar.
Uşaqların valideynləri tərəfindən hüquq-mühafizə orqanlarına təhvil verilən torbada Azərbaycan vətəndaşlarına məxsus 57 ədəd ümumvətəndaş pasportu aşkar edilib.
Pasportların Şəki, Zaqatala və Balakən sakinlərinə məxsus olduğu bildirilir.
Faktla bağlı araşdırma aparılır.