Azərbaycanın İsraildən aldığı yeni raketlər təlimlərdə- FOTO
Azərbaycan Ordusunun müxtəlif qoşun növləri, qismləri, birlik və birləşmələrinin iştirakı ilə genişmiqyaslı təlimləri başlayıb.
İlk dəfə təlimlərə Azərbaycanın İsraildən aldığı LORA (LOng Range Attack) operativ-taktiki raket kompleksləri də çıxarılıb.
LORA operativ-taktiki raket kompleksinin (OTRK) maksimal atış uzaqlığı 430 kilometrdir. LORA raketinin uzunluğu 5 metr, çəkisi 1600 kiloqram, döyüş başlığı 570 kiloqramdır. Avtomatik idarəetmə sistemi ilə təchiz edilmiş LORA kompleksi 430 km-ə qədər uzaqlıqda yerləşən idarəetmə məntəqələrini, raket buraxma qurğularını, radiolokasiya stansiyalarını, vacib hərbi sənaye və infrastruktur obyektlərini məhv edə bilir.