Bakı Şəhər Yol Polisi İdarəsinin 18-ci otağında nələr baş verir?- FOTOLAR

Xəbərin çap versiyası
Tarix: 16-08-2018, 15:15    |    Xəbər oxunub: 680 dəfə
Bakı Şəhər Yol Polisi İdarəsinin 18-ci otağında nələr baş verir?-


Bakı Şəhər Yol Polisi İdarəsinin yarıtmaz fəaliyyətinin doğurduğu narazılıqlarla bağlı ölkə mətbuatında mütəmadi olaraq silsilə yazılar dərc olunmaqdadır. Fəaliyyəti ən çox tənqid olunan strukturların başında gəlməsinə baxmayaraq adı çəkilən qurumun məsul şəxsləri bundan nəticə çıxartmaq əvəzinə özbaşınalıq və qanunsuzluqlarını daha da genişləndirirlər.



AFN sfera.az-a istinadən xəbər verir ki, sözügedən saytın əməkdaşının bu günlərdə şahidi olduğu mənzərə həqiqətən Bakı Şəhər Dövlət Yol Polisi İdarəsində təxirəsalınmaz islahatların aparılmasının vacibliyini bir daha təsdiq etməkdədir. Şahidi olduğumuz mənzərə burada qanunların işləmədiyini, kimlərinsə özünü qanundan üstün saydığını göstərir.

Cavad adlı mayorun "18-” sərgüzəştləri...

Bakı Şəhər Dövlət Yol Polisi İdarəsində 18-ci otaq rüşvətin toplandığı əsas məntəqələrdəndir. Həmin otağın "küllü ixtiyarı” olan Cavad adlı mayorun isə öz qaydaları var. Burada avtomobillərə cərimə yazılmadan sənədlər alınır və sürücülər 18-ci otağa dəvət edilərək onlarla "profilaktik söhbətlər” aparılır. Amma sürücülərin həmin otaqda problemlərini həll etməsi də mayorun kefindən asılıdır.

Belə ki, həmin şəxs kefi istəyəndə vətəndaşları çağırır, ürəyinə düşəndə bayıra çıxaraq, dost-tanışları isə laqqırtı vurur. Əməkdaşımız bildirir ki, problemini həll etmək üçün 18-ci otağın qarşısında saatlarla gözləməyə məcbur olan vətəndaşlar iş vaxtı bayırda dost-tanışıyla deyib gülən mayora yaxınlaşıb tələsdiklərini deyərkən əsl həngamə qopur. Ona müraciət edənlərə qarşı kobud rəftar etməkdən belə çəkinməyən "18-ci otağın ağası” açıq şəkildə bəyan edir ki, haçan işləyib, haçan çöldə siqaret çəkəcəyini, ya da dost-tanışlarıyla söhbət edəcəyini özü müəyyənləşdirir. Mayorun xidməti otağına, iş fəaliyyətinə qayıtması da sürücülərə ayrı dərd yaşadır. 18-ci otaqda hər şey rüşvətlə həll olunur, mayor isə "mən beləyəm, kimə istəyirsinizsə şikayət edin” tipli meydanoxumalarla nə qədər qüdrətli olduğunu sərgiləməkdən xüsusi zövq alır.
Avtomobillər heç bir protokol yazılmadan duracaqlara aparılır, vətəndaş haqqını tələb etmək istəyəndə və ya "cəriməni yazın” tələbi irəli sürəndə mayor sadəcə "burada işlər belə həll olunur” deməklə kifayətlənir.

Müşahidə etdiklərimizin heç bir qanuna, qaydaya sığmadığını, hər hansı etirazın isə faydasızlığını nəzərə alaraq qarşılaşdığı problemin qanuni həlli məqsədilə Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədovla telefon əlaqəsi yaradıb. Amma 18-ci otağın sahibi olan mayor bundan sonra da qanunun tələblərinə boyun əymək istəməyib.

Belə ki, o açıq şəkildə əməkdaşımıza bildirib ki, heç kimi tanımır, tanımaq istəmir və yalnız özünün müəyyənləşdirdiyi qaydalarla işləməkdə israrlıdır. Mövcud reallıqları nəzərə alanda belə nəticəyə gəlmək olar ki, hər kəsə meydan oxuyan Cavad adlı həmin mayor hansısa böyük məmurla qohum olduğuna görə özünü bu qədər qüdrətli hesab edir. Hər halda onun Bakı Şəhər Yol Polisi İdarəsinin rəisi Nuşirəvan Sadıqovla lazım olduğundan az hesablaşması bu ehtimalımızı gücləndirir. 18-ci otağın müəmmalı sahibi olan həmin mayorun kimə güvənərək qanunlara meydan oxuması və Bakı Şəhər Dövlət Yol Polisi İdarəsində baş verən digər ilginc maxinasiyalar haqda isə növbəti yazımızda daha geniş bəhs edəcəyik...

Bakı Şəhər Yol Polisi İdarəsinin 18-ci otağında nələr baş verir?-

Bakı Şəhər Yol Polisi İdarəsinin 18-ci otağında nələr baş verir?-

Bakı Şəhər Yol Polisi İdarəsinin 18-ci otağında nələr baş verir?-





AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
Deputat Əsabil Qasımov iş adamına milyonlarla ziyan vurub-

Deputat Əsabil Qasımov iş adamına milyonlarla ziyan vurub- ŞİKAYƏT

Otman-Bozdağ palçıq vulkanında püskürmə baş verib

Otman-Bozdağ palçıq vulkanında püskürmə baş verib

Metropolitendən Əcəmi stansiyasını su basması ilə bağlı

Metropolitendən Əcəmi stansiyasını su basması ilə bağlı AÇIQLAMA

Sürücülərin diqqətinə:

Sürücülərin diqqətinə: paytaxtın bu küçələrində yağışla əlaqədar sıxlıq var

Bu günlərə olan faktiki  hava şəraiti haqqında məlumat

Bu günlərə olan faktiki hava şəraiti haqqında məlumat

Həsən Ruhani İrandakı teraktda ABŞ izi haqda:

Həsən Ruhani İrandakı teraktda ABŞ izi haqda: Peşiman olacaqlar

Bakı yenə yağış suları altında qaldı-

Bakı yenə yağış suları altında qaldı- VİDEO+FOTO

Mövqelərimiz iriçaplı pulemyotlardan atəşə tutuldu

Mövqelərimiz iriçaplı pulemyotlardan atəşə tutuldu

Azərbaycana payız gəldi

Azərbaycana payız gəldi

Türkiyənin məşhur müğənnisi Bakıda konsert verəcək

Türkiyənin məşhur müğənnisi Bakıda konsert verəcək

"Vikipediya”da Raquf Orucov haqqında ingilis dilində məqalə yaradılıb

Cahangir Əsgərov ailə holdinqinin rəhbərini dəyişdi:

Cahangir Əsgərov ailə holdinqinin rəhbərini dəyişdi: AZAL prezidentindən 400 milyon tələb olunur

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur