Cavid Qurbanovdan Prezidentə şikayət- İş adamından müraciət


Cavid Qurbanovdan Prezidentə şikayət-


İş adamı Yavər Ziyadovdan Qaynarinfo-nun elektron ünvanına məktub daxil olub. Məktub Azərbaycan Respublikasının Prezidenti İlham Əliyevə ünvanlanıb.



Məktubda Keşlə dəmiryolu stansiyasında iş adamlarına "Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanovun mri ilə yaradılan problemlərdən bəhs edilir.

Məktubu olduğu kimi təqdim edirik:

"Hörmətli cənab prezident,

Sizin iş adamlarına, sahibkarlara göstərdiyiniz diqqət və qayğı nəticəsində ölkəmizdə azad sahibkarlıq mühiti uğurla inkişaf etməkdədir. Siz hər bir görüş və çıxışınızda iş adamlarına əlverişli şəraitin yaradılmasının, sahibklarlarla dövlət qurumları arasında olan münasibətdə bürokratik əngəllərin aradan qaldırılmasının vacibliyini vurğulayırsınız. Son dövrlərdə yaradılan əlverişli şərait iş adamlarında iqtisadiyyatımıza yatırım etmək istəklərini artırmış, yeni iş yerlərinin açılmasına səbəb olmuşdur.

Hörmətli cənab prezident,

Biz iş adamları olaraq dəmir yolu nəqliyyatından davamlı istifadə edib xarici ölkələrdən Azərbaycana tikinti materialları gətirməklə, onların satışı ilə və bununla əlaqəli digər sahibkarlıq fəaliyyətyti ilə məşğuluq. Son günlərə kimi biz yüklərimizi Keşlə dəmiryolu stansiyasının yük həyətinə gətirə bilirdik. Şəhərimizdə gedən tikinti işlərinin mərkəzdə olması, həmçinin tikinti bazarlarının Keşlə yük həytinə yaxın olması bizim iş prosesimiz, eləcədə yüklərin daşınması üçün xeyli əlverişlidir. Bu isə bizə işlərimi çevik, operativ və az məsrəflə həll etməyimizə yardım edir.

Hörmətli cənab prezident,

Sizin iştirakınızla 13 avqust tarixində Qaradağ rayonunun Lökbatan qəsəbəsində inşa olunan Abşeron Logistika Mərkəzinin açılışı biz iş adamlarını xeyli ruhlandırmışdır. Yaradılan müasir şərait hamının ürəyincə olmuşdur.

Lakin sentyabr ayının 5-dən etibarən ADY QSC rəhbərliyinin biz iş adamlarına göstərdiyi münasibət bizləri xeyli dərəcədə məyus etmiş, Sizin dəstək verdiyiniz sahibkarlıq fəaliyyətimizə xeyli zərbə vurmuş və bu proses davam etməkdədir.



Bizim yüklərimizi daşıyan yük vaqonları Keşlə stansiyasına çatsa da bizə yüklərimizi təhvil almağa icazə verilmir. Dəmiryolunun rəhbərliyi bizə bildirir ki, Keşlə stansiyasının yük həyəti fəaliyyətini dayandırır və bizi məcbur edir ki, biz Keşlə stansiyasına çatan vaqonlarımızı yeni açılan Abşeron stansiyasına göndərək. Bu isə heç bir sahibkarı qane etmir. Biz Keşlə yük həyətində yükümüzü boşaltmaq istədikdə bizə bildirilər ki, ADY QSC sədrinin əmri var ki, 5 sentyabr tarixində Rusiya ərazisindəki və digər stansiyalardan çıxan vaqonlar Abşeron stansiyasına yönləndirilməlidir.

ADY QSC sədrinin əmrini iş adamlarına göstəriblər və orada yazılıb ki, sahibkarların istəyi ilə vaqonlar Abşeron stansiyasdına göndərilsin. İş adamlarına isə yüklərini Keşlə yük həyətində təhvil almaq sərf etdiyindən onlar ərizə yazmaq istəmir. Bu zaman isə dəmir yolunun rəhbərliyinin tapşırığı ilə könüllü ərizə yazmaq istəməyən iş adamlarına yüklərini boşaltmağa icazə verilmir. Bu barədə bizə əvvəldən heç bir xəbərdarlıq edilməmişdir.

Biz Rusiya və Azərbaycan ərazisində bütün daşıma haqqlarını, gömrük rüsumlarını ödəsək də iş adamlarına bu cür əngəl yaradılır və bu davam etməkdədir.
Belə bir sual yaranır. Əgər QSC sədri əmr imzalayıbsa o zaman niyə iş adamlarına ərizə yazmaq təklif edilir? Ərizə yazmaq istəməyən iş adamlarına niyə yüklərini boşaltmağa icazə verilmir? Əmr varsa iş adamlarına demədən də vaqonları Abşeron stansiyasına yönləndirə bilərlər. İş adamlarına "hörmət "edib fikirlərini bilmək istəyirlərsə biz bir daha deyirik ki, yeni stansiyada yükümüzü boşaltmaq heç bir baxımdan bizə əlverişli deyil. Bu hal davam edəcəksə bizə icazə verilənədək yüklərimizi Keşlə stansiyasında saxlamaq niyyətimiz var. Bunu nəticəsində isə stansiyada bizə cərimə tətbiq ediləcək. Biz nə edək?

Bir neçə iş adamı gözlənilməz və əvvəlcədən xəbərdar edilməmiş bu vəziyyətdən çıxmaq üçün çarəsizlikdən vaqonların Keşlə stansiyasından Abşeron stansiyasına göndərilməsinə razı olmuşdur. Lakin Abşeron stansiyasından şəhərə gələn yolun yüklü maşınır üçün əlverişsiz olması səbəbindən 18 sentyabr tarixində Abşeron stansiyasından çıxan faner yüklü 1 yük maşını yükünü yolda aşırmışdır. Biz gələcəkdə belə hallarla qarşılaşıb fəaliyyətimizdə problemlərin yaranmasını istəmirik.

Sizdən xahiş edirik bizi düşdüyümüz bu çıxılmaz vəziyyətdən xilas edəsiniz və yüklərimiz əvvəlki qaydada Keşlə stansiyasında və ya digər stansiyalarda təhvil almağımıza kömək edəsiniz.

İş adamı Yavər Ziyadov"



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu