Şəhid ailələrini aldadan məşhur fırıldaqçını kimlər himayə edir?

Xəbərin çap versiyası
Tarix: 7-11-2018, 18:23    |    Xəbər oxunub: 594 dəfə
Şəhid ailələrini aldadan məşhur fırıldaqçını kimlər himayə edir?


Vətəndaşlara külli miqdarda ziyan vurduğu iddia edilən şəxsin iri məbləğdə rüşvət verərək, azadlığa çıxmağa hazırlaşdığı bildirilir.

KİV-ə müraciət edən çoxsaylı vətəndaşlar 28 mart 1971-ci ildə Naxçıvan Muxtar Respublikasının (Naxçıvan MR) Şahbuz rayonu, Nursu kəndində anadan olmuş Umudlu Cavid Məhəmmədəli oğlunun dələduzluq yolu ilə onları aldatdığını bildiriblər.

Şikayətçilərin sözlərinə görə, Cavid Umudlunun müxtəlif maxinasiyalarla aldadaraq maddi ziyan vurduğu vətəndaşların sayı yüzlərlədir. Onların dediklərinə əsasən, Umudlu 2017-ci ilin dekabrında Baş prokuror yanında Korrupsiyaya qarşı Mübarizə Baş İdarəsi tərəfindən həbs olunub və onun işi Bakı Ağır Cinayətlər Məhkəməsinin hakimi Əhməd Quliyevin icraatına verilib.

Bununla belə, Umudludan şikayətçi olan vətəndaşlar işi məhkəmədə olan həmin şəxsin öz layiqli cəzasını almaq əvəzinə, azadlığa buraxıla biləcəyindən narahatlıqlarını ifadə ediblər. Şikayətçilər bildiriblər ki, yüzlərlə vətəndaşa külli miqdarda maddi ziyan vuran Umudlunu himayələrinə götürən bəzi vəzifəli şəxslər onun azadlığa buraxılması üçün fəaliyyətə başlayıblar.

Vətəndaşlar əminliklə qeyd ediblər ki, Umudlu azadlığa çıxmaq üçün himayəsində olduğu səlahiyyət sahiblərinə 100 min manat rüşvət boyun olub və həmin məbləğin 30 faizinin artıq ödənildiyinə dair söz-söhbətlər dolaşır.

Şikayətçilərin bildirdiyinə görə, Cavid Umudlu dələduzluq əməllərinə görə əvvəllər də həbs olunub. O, 2013-cü il aprelin 1-də İmişli Rayon Polis Şöbəsi tərəfindən saxlanılıb və barəsində Cinayət Məcəlləsinin 178.2.4. maddəsi üzrə cinayət işi açılıb. Ancaq çox maraqlıdır ki, aradan keçən kifayət qədər uzun müddət ərzində Umudlunun işi məhkəməyə göndərilmək əvəzinə, 2017-ci il fevralın 5-də 40.2.2. maddəsi (barışıq) rəhbər tutularaq, cinayət işinə xitam verilib.

Şikayətçilər Cavid Umudlunun iri məbləğdə rüşvət qarşılığında azadlığa çıxaraq dələduzluq əməllərini davam etdirməsindən, aralarında şəhid, müharibə veteranı və qazi olan ailələrin min bir əzab-əziyyətlə topladıqları halal pulları yenidən mənimsəmə imkanı qazanacağından narahatdırlar.




AFN.az
Redaksiyamızla əlaqə: tel; 070 372 99 90, e-mail [email protected]






Diqqətinizi çəkə biləcək digər xəbərlər
Sabaha gözlənilən hava şəraiti

Sabaha gözlənilən hava şəraiti

Leyla Ramazanlıdan İçərişəhər

Leyla Ramazanlıdan İçərişəhər FOTOSESSİYASI

İlham Əliyev Tərəvəzçilik Elmi-Tədqiqat İnstitutunun açılışında iştirak edib-

İlham Əliyev Tərəvəzçilik Elmi-Tədqiqat İnstitutunun açılışında iştirak edib- FOTOLAR

Viktor Yanukoviçə 15 il həbs cəzası verildi

Viktor Yanukoviçə 15 il həbs cəzası verildi

ABŞ-da yaşayan süni intelekt üzrə azərbaycanlı mütəxəsis

ABŞ-da yaşayan süni intelekt üzrə azərbaycanlı mütəxəsis

"Bakı Metropoliteni" QSC-nin təlim-tədris mərkəzi yeni formatda qurulur

Eldar Mahmudovun bacanağı da AzTV-dən uzaqlaşdırıldı

Eldar Mahmudovun bacanağı da AzTV-dən uzaqlaşdırıldı

Tanınmış teleaparıcıya ağır itki üz verib

Tanınmış teleaparıcıya ağır itki üz verib

Şamaxıda “Praktiki mühəndislik və liderlik” dərnəkləri təşkil edilib

Şamaxıda “Praktiki mühəndislik və liderlik” dərnəkləri təşkil edilib

Qənirə Paşayeva Avropa təşkilatlarını Ermənistanın işğalçılıq siyasətini durdurmaq üçün addımlar atmamaqda ittiham edib

Qənirə Paşayeva Avropa təşkilatlarını Ermənistanın işğalçılıq siyasətini durdurmaq üçün addımlar atmamaqda ittiham edib

Xocalıda vuruşmuş erməniyə Gürcüstanda abidə qoyuldu

Xocalıda vuruşmuş erməniyə Gürcüstanda abidə qoyuldu

Yekaterinburqda diaspora lideri azərbaycanlılara qarşı sui-qəsddə ittiham olunur

Yekaterinburqda diaspora lideri azərbaycanlılara qarşı sui-qəsddə ittiham olunur

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur