Bakıda Qlobal Sağlamlıq Turizmi Forumu keçirilir

Xəbərin çap versiyası
Tarix: 23-04-2019, 15:50    |    Xəbər oxunub: 594 dəfə
Bakıda Qlobal Sağlamlıq Turizmi Forumu keçirilir


Bakıda Azərbaycan Dövlət Turizm Agentliyinin rəsmi dəstəyi, Azərbaycan Sağlamlıq və Termal Turizmə Dəstək Assosiasiyası (AHTTSA) və Azərbaycan Sahibkarlar Konfederasiyasının birgə təşkilatçılığı ilə 3-cü Qlobal Sağlamlıq Turizm Forumu və Qlobal Sağlamlıq Turizm Şurasının (QSTŞ) 5-ci Assambleyası öz işinə başlayıb.

AFN xəbər verir ki, “Qlobal Sağlamlıq hamı üçün” şüarı altında gerçəkləşdirilən tədbirdə QSTŞ-yə üzv 25 ölkənin milli sağlamlıq turizm qurumlarının rəhbərləri, Milli Məclisin deputatları, Azərbaycan turizm ictimaiyyətinin, aidiyyəti dövlət qurumlarının və kütləvi informasiya vasitələrinin nümayəndələri iştirak ediblər.

Qlobal Sağlamlıq Turizm Şurasının dönəm sədri Ruslan Quliyev çıxışında bildirib ki, QSTŞ 2013-cü ildə Monakoda keçirilən Beynəlxalq Tibbi Səyahət Konfransında Türkiyə Cümhuriyyətinin təşəbbüsü ilə təsis edilib və indiyədək təşkilatın 4 zirvə toplantısı qismində sayılan forumu keçirilib. QSTŞ-nin 60-a yaxın üzvləri sırasında ABŞ, AFR, Böyük Britaniya, Türkiyə, Polşa, Yunanıstan, Macarıstan, Bolqarıstan, RF, Ukrayna, Gürcüstan, Çin Xalq Respublikası, Hindistan, İran İslam Respublikası, Qazaxıstan, İordaniya Krallığı, Səudiyyə Ərəbistanı və başqa nüfuzlu ölkələr təmsil olunur.

Azərbaycan Sağlamlıq və Termal Turizmə Dəstək Assosiasiyası Qlobal Sağlamlıq Turizm Şurasında Azərbaycanı ləyaqətlə təmsil edir və 2014-cü ildən etibarən bu təşkilatın İdarə Heyətinin üzvüdür. 2018-ci ilin aprelində QSTŞ-nin Türkiyədə keçirilən növbəti Zirvə Toplantısında AHTTSA-nın sədri Ruslan Quliyev bu beynəlxalq qurumun prezidenti seçilib və Azərbaycan Respublikası qeyd olunan mötəbər təşkilata rəhbərlik etmək hüququ ilə növbəti sahib ölkə qismində təsdiq edilib.

Ruslan Quliyev onu da qeyd edib ki, təşkilatın 5-ci Assambleyasında quruma yeni sədr seçiləcək və sonda Bakı deklarasiyası qəbul ediləcək.

Azərbaycan Sahibkarlar Konfederasiyasının sədri Məmməd Musayevin sözlərinə görə, hazırda Azərbaycanda dərin iqtisadi islahatlar aparılır və bu islahatların məqsədi vətəndaşlarımızın sosial-rifahını yaxşılaşdırmaq, ölkəmizin iqtisadi qüdrətini yüksəltmək, neftdən asılılığı azaldaraq şaxələndirilmiş iqtisadiyyata sahib olmaq, qeyri-neft sektorunun əsas sahələrindən biri olan turizm sahəsində gəlirlərin artırılmasını təmin etməkdir: "Turizm sənayesinin inkişafı Azərbaycan üçün prioritet hesab olunan sektorlardan biridir. Prezident İlham Əliyevin 6 dekabr 2016-cı il tarixli fərmanı ilə təsdiq olunmuş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi”ndə vurğulanır ki, mövcud imkan və potensialdan səmərəli istifadə etməklə Azərbaycan 2025-ci ilədək həm regionda, həm də digər dünya ölkələri arasında cəlbedici turizm məkanlarından birinə çevriləcək. 2025-ci ildən sonrakı dövr üzrə perspektiv isə ölkəni dünyada turistlərin ən çox üstünlük verdikləri 20 turizm məkanından birinə çevirməkdir".

Konfederasiya sədri Azərbaycanda turizmin xüsusi istiqamətlərindən biri olan sağlamlıq və termal turizm sənayesinin son illərdə özunun inkişaf dövrünü yaşadığını da diqqətə çatdırıb və Qlobal Sağlamlıq Turizmi Forumunun Bakıda keçirilməsinin də bunun sübutu olduğunu bildirib.

Kiçik və Orta Biznesin İnkişafı Agentliyinin sədri Orxan Məmmədovun fikrincə, turizm sənayesinin davamlı inkişaf etdiyi bir dövrdə kifayət qədər çox sayda insanlar sağlamlıq məqsədilə səfərlər edirlər. Bu turist axınlarının cəlb edilməsi uğrunda region ölkələri arasında rəqabət mövcuddur. Bu mübarizə əsasən gəlir əldə etmək, məşğulluq yaratmaq və ölkəyə valyuta gətirmək kimi iqtisadi prioritetlərə söykənir. Azərbaycanın bu sahədə mövcud potensialından səmərəli istifadə etməklə ölkəyə daha çox turist cəlb etmək mümkündür.

Azərbaycan Turizm Agentliyinin Aparat rəhbəri Kənan Qasımov qeyd etdi ki, ölkəmizdə sağlamlıq turizminin çox qədim tarixi var, bu tarix və yaradılan mövcud infrastruktur imkan verir ki, bu sahədə çox böyük uğurlara imza ataq və dünyanın hər tərəfindən ölkəyə turist axınına nail olaq.

"Azərkurort" Səhmdar Cəmiyyətinin sədri Əbil Ağasıyevin, AMEA Neft-Kimya Prosesləri İnstitutunun direktoru, akademik Vaqif Abbasovun, Naxçıvan Muxtar Respublikası Turizm Departamentinin sədri Əkbər Novruzovun çıxışları əsasən Azərbaycan sağlamlıq turizminin potensialından necə səmərəli istifadə etməyə həsr olunmuşdu. Tədbirdə həmçinin bildirilib ki, ölkəmizi bütün dünyada məşhurlaşdıran Naftalan neftindən 15 adda dərmanın hazırlanmasında istifadə olunur ki, bununla da 70 xəstəliyi müalicə etmək mümkündür. Ötən il Naftalana müalicə məqsədilə 62 ölkədən 35 min nəfər turist gəlib.

Qlobal Sağlamlıq Turizmi Şurasının qurucusu və fəxri sədri Emin Çakmak bildirib ki, Azərbaycanın bir neçə sağlamlıq məkanlarında olub və hesab edir ki, ölkədə bu baxımdan unikal imkanlar mövcuddur: "Bu forumun Bakıda reallaşması Azərbaycanın bu sahədə daha da tanınmasına səbəb olacaq. Hazırda sosial media vasitəsilə dünyanın dörd bir yanından bizi izləyirlər. Eyni zamanda şuranın 58 üzv ölkəsinin əksəriyyətindən, o cümlədən Rusiyadan, Almaniyadan, Türkiyədən, Qazaxıstandan, Gürcüstandan və c. nümayəndələri burada təmsil olunur. Bundan gözəl təbliğat ola bilməz. Azərbaycan qlobal şəkildə sağlamlıq turizmi sənayesinə inteqrasiya olunur".

Daha sonra Azərbaycan Sağlamlıq və Termal Turizmə Dəstək Assosiasiyası və AMEA Neft-Kimya Prosesləri İnstitutu arasında əməkdaşlıq memorandumu imzalanıb.

Forumun yekunu olaraq Bakı deklarasiyası qəbul edilib.

Günün sonunda səsvermə yolu ilə Qlobal Sağlamlıq Turizmi Şurasına sədrlik Azərbaycandan Ukraynaya keçib. Ukrayna Tibbi Turizm Assosiasiyasının prezidenti Voletta Yanyshvska növbəti bir il ərzində QSTŞ-yə sədrlik edəcək.

Fəxriyyə ABDULLAYEVA

Bakıda Qlobal Sağlamlıq Turizmi Forumu keçirilir
Bakıda Qlobal Sağlamlıq Turizmi Forumu keçirilir





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Özünü güllələyən polisin ölümü ilə bağlı cinayət işi başlandı

Özünü güllələyən polisin ölümü ilə bağlı cinayət işi başlandı

ƏMDK mobil qeydiyyat kampaniyasını davam etdirir:

ƏMDK mobil qeydiyyat kampaniyasını davam etdirir: 4 minə yaxın mənzillərin çıxarışı hazırdır

“VTB Bank”da 257 milyon manat yığılmış zərər

“VTB Bank”da 257 milyon manat yığılmış zərər

“Keşikçidağ” Azərbaycanındır -

“Keşikçidağ” Azərbaycanındır - Nazirlikdən açıqlama

AQTA-nın daha bir tender

AQTA-nın daha bir tender "möcüzəsi - Təhməzlinin şirkəti 643 min manatlıq tender udub

Azərbaycanda yeni internet televiziya yaradılıb

Azərbaycanda yeni internet televiziya yaradılıb

“Nar Wi-Fi” ilə bağ mövsümündə internetsiz qalma!

“Nar Wi-Fi” ilə bağ mövsümündə internetsiz qalma!

Türkiyə-Fethiyədə

Türkiyə-Fethiyədə "Qarabağ" həqiqətləri anılıb

Doha İslam Gənclik Forumu keçirilib -

Doha İslam Gənclik Forumu keçirilib - FOTOLAR

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Bakcell sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir

Sabaha olan hava proqnozu açıqlanıb

Sabaha olan hava proqnozu açıqlanıb

“CavanNar” tarifinə qoşul, 10 GB internet əldə et!

“CavanNar” tarifinə qoşul, 10 GB internet əldə et!

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur