“Borcum olmasa da, 4 gündür ki, işıq və qaz yoxdur” - AAAF Parkdan şikayət + VİDEO

Xəbərin çap versiyası
Tarix: 23-07-2019, 16:19    |    Xəbər oxunub: 564 dəfə
“Borcum olmasa da, 4 gündür ki, işıq və qaz yoxdur” -


Startapçı Cavid Məmmədov AAAF Park Yaşayış Kompleksində qarşılaşdığı problemlərlə bağlı sosial şəbəkədə video-müraciət yayımlayıb.



4 ilə yaxındır, sözügedən yaşayış kompleksində yaşadığını vurğulayan C. Məmmədov daima şirkət tərəfindən sakinlərdən əsassız ödənişlər tələb olunduğunu bildirib:

“Mən şirkətdən tələb olunan kommunal ödənişlərin əsaslandırılmasını istəsəm də, hələ də müsbət cavab ala bilməmişəm. Bundan başqa, su, işıq və qaz sayğaclarına görə də sakinlərdən 798 AZN pul tələb olunur. Bizə bildirilib ki, bu, dövlət rüsumudur. Bu səbəbdən dövlət qurumlarına müraciət edərək rəqəmin nə dərəcədə həqiqətəuyğun olub olmadığını soruşmaq istəyirəm.

Ödəniş müqavilində sənəd, müqavilə tələb etdiyim üçün heç bir borcum olmadığı təqdirdə şirkət elektrik xəttimizi kəsib. Daha sonra isə pulunu ödəyərək qoydurduğum sayğacımı məndən icazəsiz söküb aparıblar. Borcum olmadığı təqdirdə 4 gündür ki, evimdə işıq və qaz yoxdur. Bu yolu da məni cəzalandırmaq üçün seçiblər.

İnanıram ki, aidiyyatı dövlət qurumlarımız məsələ ilə bağlı öz araşdırmalarını aparıb və lazımi tədbirləri görəcək. Paralel olaraq mən də öz şikayət məktublarımı göndərəcəm. Bundan başqa, məsələni hüquqi müstəvidə də həll etməyə çalışacam”.

Məsələ ilə bağlı AAAF PARK Yaşayış Kompleksi rəsmi münasibət bildirərək iddiaların onlara qarşı təxribat xarakteri daşıdığını vurğulayıb:

“Biz şirkət olaraq daima sakinlərinin yanında olmuş, maddi zərərlər hesabına da olsa, çox sayda çətinliklərin arxada qoya bilmişik. Bütün bunlar edilərkən, nə komunal, nə də ki digər xidmətlərlə bağlı qanunsuz və əsaslandırılmamış heç bir tədbir görülməmişdir və hazırda da görülmür. Atılan bütün addımlar, edilən bütün müdaxilələr Azərbaycan Respublikasının qanun və qaydalarına tam uyğundur.

Ancaq bu gedişata mane olmaq istəyən şəxslər də az deyil. Zəruri ödənişləri etmədən yaşamağa adət etmiş bəzi sakinlərimiz öncə “aksiyalar” təşkil edir, aidiyyatı qurumlara əsassız şikayətlərlə üz tuturdular. Ancaq hər dəfəsində bu şəxslər öz layiqli cavablarını alaraq ifşa olunur, geri çevrilirdilər. Bir çoxu hətta etdikləri qanunsuz əməllərə görə məsuliyyətə cəlb olunma təhlükəsi yaşayacaqlarını anlayıb, sonra üzr istəyərək çirkin əməllərindən geri çəkiliblər.
Hazırda da növbəti təxribatla üz-üzəyik. Artıq yayılan bu video və səsləndirilən təhrif olunmuş, yanlış iddiaların sahibinə qarşı şirkətimiz hüquqi və inzibati prosedurlara start verib. Nəticələr haqqında ictimaiyyətə əlavə məlumat veriləcək”.






AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
İlham Əliyev İƏT-in Baş katibini qəbul edib

İlham Əliyev İƏT-in Baş katibini qəbul edib

Həftəsonu hava necə olacaq?

Həftəsonu hava necə olacaq?

Fransada G7 sammiti başlayır

Fransada G7 sammiti başlayır

Ağalar Vəliyevin müəmmalı sərvəti sərhədlərimizi aşıb:

Ağalar Vəliyevin müəmmalı sərvəti sərhədlərimizi aşıb: Fabrik, otel, zavod...

Cüdoçularımızın dünya çempionatında rəqibləri müəyyənləşdi

Cüdoçularımızın dünya çempionatında rəqibləri müəyyənləşdi

Arif Alışanovun qardaşı işdən çıxarıldı -

Arif Alışanovun qardaşı işdən çıxarıldı - Yeni təyinatlar

Hirkan Milli Parkında yanğın söndürüldü

Hirkan Milli Parkında yanğın söndürüldü

UEFA “Qarabağ”ı cərimələdi

UEFA “Qarabağ”ı cərimələdi

Deputat “razborka”ya görə tutulan oğlunu həbsdən çıxartdırmaq istəyir

Deputat “razborka”ya görə tutulan oğlunu həbsdən çıxartdırmaq istəyir

Hacıbala Abutalıbovun inanılmaz sərvəti ortaya çıxdı -

Hacıbala Abutalıbovun inanılmaz sərvəti ortaya çıxdı - SİYAHI+FOTOLAR

Şəhidin qardaşı intihar edib

Şəhidin qardaşı intihar edib

Könüllülər “Bakubus”da olublar -

Könüllülər “Bakubus”da olublar - FOTOLAR

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur