Abid Şərifovun şirkəti Moldovada 6 aydır maaş vermir: fəhlələr tətilə başlayıb

Xəbərin çap versiyası
Tarix: 14-08-2019, 16:26    |    Xəbər oxunub: 548 dəfə
Abid Şərifovun şirkəti Moldovada 6 aydır maaş vermir:


Moldovada Ungena-Kişnyov avtomobil yolunun təmirini həyata keçirən Azərbaycan şirkəti "EVRASCON” 6 aydır fəhlələrin maaşını vermir.

Virtualaz.org Moldova mənbələrinə istinadən xəbər verir ki, fəhlələr aylardır maaş ala bilmədiklərinə görə tətilə başlayıblar.

Onlar deyirlər ki, şirkətin işçilər və digər təchizatçı şirkətlər qarşısında nəhəng borcları yaranıb, rəhbərlik maaşların nə zaman veriləcəyini demir.

Abid Şərifovun şirkəti Moldovada 6 aydır maaş vermir:


"Ötən şənbə günündən tətilə başlamışıq. Şirkət rəhbərliyinə sorğu göndərmişik və onların obyektlərdəki rəislərini xəbərdar etmişik. Habelə Ungensk rayonunda əmək münasibətlərini tənzimləyən idarəyə getmişik, amma hamı məzuniyyətdədir, heç kimlə danışa bilmədik. Bu gün avqustun 13-də Kişnyova, Baş Əmək Müfəttişliyinə gedəcəyik. Bilmirik nə edək, belə şəraitdə işləyə bilmirik”,-adının açıqlanmasını istəməyən fəhlə ötən gün yerli saytlardan birinə danışıb.

Moldovanın Jurnalist Araşdırmaları Mərkəzi həmin yolun tikintisi layihəsinə dair daha detallı məlumat almaq üçün Dövlət Avtomobil Yolları Administrasiyasına sorğu göndərib, amma həmin strukturun əməkdaşı deyib ki, problem barədə heç nə bilmir, üstəlik tenderi udan Avropa şirkətidir.

Lakin bu ilin may ayında Moldovanın İqtisadiyyat və İnfrastruktur Nazirliyi bildirmişdi ki, Kişnyov-Ungena-Skulyana avtomobil yolunun təmiri işləri 60 faiz yerinə yetirilib. Yolun tikintisi üçün beş şirkətlə müqavilə bağlanıb, onlardan ikisi Azərbaycan, ikisi Çexiya, biri Moldova şirkətləridir. Layihənin ümumi dəyəri 80 milyon avrodur.

Abid Şərifovun şirkəti Moldovada 6 aydır maaş vermir:


"Hərçənd bu şirkətlər cərimələnib, amma biz onlarla işləməkdə davam edirik, çünki əks halda təkrar tender keçirmək lazım gələrdi. Bu isə çox vaxt aparar”,-həmin vaxt iqtisadiyyat və infrastruktur naziri vəzifəsini tutan Kirill Qaburiç ("Azərcell”in keçmiş rəhbəri) deyib.

Kişnyov-Ungena-Skulyana avtomobil yolunun tikintisi üçün Azərbaycanın Euro-Asian Construction Corporation Evrascon JSC şirkəti və Çexiyanın OHL ZS şirkəti ilə müqavilənin yerinə yetirilməsi işləri 2014-cü ilin martında başlayıb. Lakin uzunluğu cəmi 83.8 km. olan yolun tikintisi hələ də başa çatmayıb. Şirkət işləri 2016-cı ilin sonlarında təhvil verməli idi, daha sonra müddət 2019-cu ilin sonuna qədər uzadılıb.

Qeyd edək ki, "Evrascon” şirkəti Azərbaycanda da bir sıra yol-infrastruktur layihələri həyata keçirir. Və şirkət Azərbaycanda da illərdir əmək haqlarını gecikdirir, "Evrascon”un işçiləri aylarla əmək haqlarını ala bilmir və dəfələrlə müxtəlif formada etirazlar bildiriblər.

Şirkətin baş nazirin keçmiş müavini Abid Şərifova bağlı olduğu məlumdur.




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Pilotun xanımı:

Pilotun xanımı: “Oğluma necə deyəcəm ki, atan bir də qayıtmayacaq?” - FOTOLAR

“Nar”ın abunəçi bazası sürətlə artmaqdadır

“Nar”ın abunəçi bazası sürətlə artmaqdadır

Koreya səfiri Pirşağıda reallaşdırılan layihəyə baxış keçirib

Koreya səfiri Pirşağıda reallaşdırılan layihəyə baxış keçirib

Pediatr Mehriban Əliyevaya müraciət etdi:

Pediatr Mehriban Əliyevaya müraciət etdi: "Yersiz süni qida təyin edən həkimə cəza verilsin!"

"Aspor" idman kanalından Əbülfəz Elçibəyə böyük sayğı - VİDEO

Bakıda bazarda güclü yanğın başladı -

Bakıda bazarda güclü yanğın başladı - VİDEO

ADAU Şəmkirdə fermerlərə təlim keçib

ADAU Şəmkirdə fermerlərə təlim keçib

Dövlət Komitəsinin sədri və sədr müavinləri bölgələrdə vətəndaşları qəbul edəcəklər

Dövlət Komitəsinin sədri və sədr müavinləri bölgələrdə vətəndaşları qəbul edəcəklər

Misir Mərdanovun kurrikulumu kütləvi savadsızlığa gətirib çıxardı -

Misir Mərdanovun kurrikulumu kütləvi savadsızlığa gətirib çıxardı - TƏHLİL

Azərbaycanlı nazirin atası 50 ildir eyni vəzifədə işləyirmiş –

Azərbaycanlı nazirin atası 50 ildir eyni vəzifədə işləyirmiş – həm də 95 yaşında...

İsrailin Azərbaycandan İraqı bombalaması xəbərinə

İsrailin Azərbaycandan İraqı bombalaması xəbərinə rəsmi münasibət-VİDEO

Elektron qeydiyyat xidmətindən istifadə edənlərin sayı artır

Elektron qeydiyyat xidmətindən istifadə edənlərin sayı artır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur