Mili Məclisdə bəzi rayonlar üzrə boş qalmış deputat yerlərinin olması həmin yerlərə seçki keçirilməsi barədə müzakirələr yaradıb. Belə ki, Mehriban Əliyeva birinci vitse -prezident təyin olunduğu üçün Xəzər rayonundan deputat mandatından imtina etmişdi. İki gün əvvəl isə Cəbrayıl rayonundan deputat Astan Şahverdiyev dünyasını dəyişib. Parlamentdə həmin şəxslərin kürsüləri boş qalıb.
Maraqlıdır, parlamentdə boş qalan yerlərə seçkilər keçirilə bilərmi?
Mərkəzi Seçki Komissiyasının katibi Mikayıl Rəhimov Cebhe.info-ya açıqlamasında hazırda Milli Məclisdə iki deputat yerinin boş olduğunu deyib: “Bunlar vitse-prezident təyin olunduğuna görə Mehriban Əliyevanın, digəri isə yeni dünyasını dəyişən Astan Şahvardiyevin deputat yeridir. Bu yerlərə seçkilər keçirilə bilər. Amma hələlik Mərkəzi Seçki Komissiyası bununla bağlı hər hansı qərar qəbul etməyib”.
Qeyd edək ki, Seçki Məcəlləsinin 176-cı maddəsinə görə, deputat mandatının boş qalmasından sonra bir ay müddətində müvafiq birmandatlı seçki dairəsi üzrə əlavə seçkilər təyin edilir.