AFN.AZ / Vaqif Abdullayev vətəndaşı təhqir etdi-

Vaqif Abdullayev vətəndaşı təhqir etdi-

Vaqif Abdullayev vətəndaşı təhqir etdi-


Beyləqan rayonunun icra başçısı Vaqif Abdullayevin 16.08.2018-ci tarixində Əlnəzərli kəndində keçirdiyi səyyar qəbul zamanı gərgin anlar yaşanıb.



Bu barədə məlumatı Azinforum.az-a həmin rayondakı mənbələr verib. Onların sözlərinə görə, belə qəbullar bütün rayonlarda keçirilir və məqsəd kənd sakinlərinin problemlərini dinləmək, ortaya çıxan məsələləri operativ şəkildə həll etməkdən ibarətdir:

“Ancaq rayonun icra başçısı dərdini söyləyən vətəndaşlarla kobud rəftar edib ki, bu da ciddi qarşıdurmaya səbəb olub. Belə ki, kənd sakini Azər Əliyev problemini söyləyərkən Vaqif Abdullayev onun ünvanına naliyiq ifadə işlədib. Buna Azər Əliyevin adekvat cavab verməsi başçını lap özündən çıxarıb və o, polis rəisinə Azəri həbs etməyə dair göstəriş verib. Sonra anlayıb ki, səyyar qəbul zamanı belə hadisənin baş verməsi onun öz reputasiyasına mənfi təsir edə bilər. Buna görə də, polis rəisinə “dərinə getməməyi” tapşırıb”.

Qeyd edək ki, Beyləqan rayonunda icra başçısı ilə vətəndaşlar arasındakı münasibətlərin həttə əlbəyaxa dava həddinə çatmasına dair indiyə kimi KİV-lərdə kifayət qədər məlumatlar yayılıb. Əlnəzərli kəndində yaşanan insidenti aydınlaşdırmaq üçün rayon İcra Hakimiyyəti ilə əlaqə saxladıq, lakin heç kim bu məsələni şərh etmək istəmədi.

Yazıda adları çəkilən şəxslərin də mövqeyini dinləməyə hazırıq.
20-08-2018, 13:51
Geri qayıt