Oktyabrın 22-də 160 illik yubileyini qeyd edəcək Azərbaycan Xəzər Dəniz Gəmiçiliyi bu əlamətdar tarix münasibəti ilə hədiyyəlik – markalı kitab nəşr etdirib.
Gəmiçiliyin tarixinə qısa səyahət edən bu kitabda nadir foto və maraqlı məlumatlarla bərabər, ilk dəfə olaraq markalar da yer alıb.
Çox sadə – “Azərbaycan Xəzər Dəniz Gəmiçiliyi – 160 il” adlandırılmış kitab bununla belə, çox böyük bir zaman kəsiyini əhatə edərək Azərbaycanda gəmiçiliyin inkişafı, bir sahə kimi formalaşması və keçdiyi müxtəlif mərhələlər, habelə Gəmiçiliyin taleyində əhəmiyyətli rolu olan şəxsiyyətlər haqqında qısa da olsa məlumat verir.
Kitabın müəllifi AXDG-nin İctimaiyyətlə əlaqələr departamentinin aparıcı mütəxəssisi Sevda Abdullayeva, redaktoru sözügedən departamentin aparıcı mütəxəssisi “Dəniz” qəzetinin baş redaktoru vəzifəsində çalışan Rasif Tahirovdur.
