K.Fərəcova adına Elmi-Tədqiqat Pediatriya İnstitutunun (OMD xəstəxanası) həkimi Cəfərov Qafar qonşusunu yaralayıb. Bu barədə məlumatı zərərçəkən 09.03.1988- il təvəlüdlü Röyal Ağayevin qardaşı verib. Onun sözlərinə görə, hadisənin baş vermə səbəbi qardaşının 2 yaşlı uşağının əlindəki kiçik uşaq oyuncağını balkondan aşağı atması olub.
İddiaya görə, həkim Q.Cəfərov yaşadığı mənzilin giriş hissəsində qeyri-qanuni qaraj yeri tikdirib: "Uşağın oyuncağı onun tikdirdiyi qarajın üzərinə düşüb. Bundan sonra C.Qafarov evindən çıxaraq 2 yaşlı uşağa söyüş söyüb, qardaşımgilin evlərinə və azyaşlıya daş atıb. Qardaşım Royal Ağayevə baş verənləri bildiriblər. R.Ağayev isə öz növbəsinsə Q.Cəfərovun qapısın döyərək niyə belə etməsinin səbəbini soruşub. Qapını döydükdən sonra Röyal gözləmədiyi hücuma məruz qalıb. Həkim Qafar Cəgərov bilinməyən əşya ilə R.Ağayevə ağır bədən xəsarəti yetirib. Aldığı xəsarətdən çoxlu qan itirən qardaşımı Sabunçu xəstəxanasına ağır halda çatıra bildik. Təcili əməliyyata ehtiyac olunduğundan həkimlər yubanmadan əməliyyat etdilər. Hadisə ilə bağlı Daxili İşlər Nazirliyinin Qaynar Xəttinə zəng edərək məlumat verdik. Amma 24-cü polis bölməsindən xəstəxanaya gələn müstəntiq qardaşıma ölümcül xəsarət yetirən Qafar Cəfərovu həbs edə bilməyəcəklərini, həkim olduğu üçün onun iş başında olmalı olduğun qeyd etdi.
Qanun hamı üçün qanundur, həkim fəhlə dəxli olmadan. Necə olur ki, həkim evinin qarşısında adama ölümcül xəsarət yetirir, amma 24-cü polis bölməsi buna seyrçi qàlır? Həmçinin qeyd edim ki, prokurorluqdan həkimə cinayət işi açılmaması üçün polisə də basqılar var. Bu həkim kimə və nəhə arxayın olaraq insan öldürməyə cəhd etdiyini hələ də anlaya bilməmişik. Mən sizin media vasitəsi ilə Prezident İlham Əliyevə, Birinci vitse-prezident Mehriban xanım Əliyevaya müraciət edərək qanunun aliliyinin qorunmasında bizə kömək etmələrini xahiş edirəm".
Vətəndaş Bakunews.az-a bildirir ki, dəfələrlə 102-yə zəng etməsinə baxmayaraq, qardaşına xəsarət yetirən şəxs aaxlanılmahıb.
Yazıda adları keçən şəxs və qurumların mövqeyni verməyə hazırıq.
