Bakıda dəhşətli yanğınla bağlı rəsmi açıqlama: “Yalnız bir uşaq ölüb”
“Yanğın zamanı xəsarət alan altı nəfərdən yalnız bir uşaq ölüb, o da xəstəxanaya qədər baş verib. Uşağın meyiti aidiyyəti üzrə morqa təhvil verilib”.
Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və tədbirlər şöbəsinin müdiri Zamirə Ədilova oxu.az-a açıqlamasında bildirib ki, yanğında xəsarət alan digər beş nəfər xəstəxanaya yerləşdirilib:
“Onların vəziyyətləri kritik-ağır olaraq qiymətləndirilir. Müalicələri həkim nəzarətində davam etdirilir. Onlar arasında ölüm faktı qeydə alınmayıb”.
