Daha iki güləşçimiz İslam Həmrəyliyi Oyunlarında finala yüksəlib
Konyada keçirilən V İslam Həmrəyliyi Oyunlarında Azərbaycan güləşçiləri İslam Bazarqanov və Gözəl Zutova finala yüksəliblər.
İ.Bazarqanov iranlı idmançı Məcid Dastanı 10:0 hesabı ilə məğlub edib.
Gözəl Zutova kamerunlu rəqibi Ngiri Nheyuya 6:0 hesabı ilə qalib gəlib.
Xatırladaq ki, bu gün Azərbaycan idmançıları Oyunlarda stend atıcılıq, atletika, taekvondo, güləş, voleybol, həndbol, para-üzgüçülük, para-atıcılıq, stolüstü tennis, gimnastika, paralimpiya atletikası və velosiped idmanı üzrə yarışırlar.
