“Bakı Metropoliteni”ndən gedişhaqları ilə bağlı AÇIQLAMA
“Bakı Metropoliteni” QSC gedişhaqqı tariflərinin qaldırılması ilə bağlı sosial şəbəkələrdə yayılmış məlumatlara aydınlıq gətirib.
QSC-dən verilən məlumatda bildirilir ki, qurumun gedişhaqqı tariflərini tənzimləmə səlahiyyəti yoxdur.
“Həmçinin metro nəqliyyatında gedişhaqqı tarifinin tənzimlənməsinə yenidən baxılması ilə əlaqədar aidiyyəti səlahiyyətli qurumlar qarşısında məsələ qaldırmayıb”, - deyə açıqlamada qeyd edilib.
Xatırladaq ki, yayılan iddialarda gedişhaqqının 55 qəpiyə qaldırılacağı bildirilir. Hazırda metroda gedişhaqqı 50 qəpik təşkil edir.
Gedişhaqqı tariflərinin tənzimlənməsi ilə bağlı qərar vermək Tarif Şurasının səlahiyyətindədir.
