Sudan Britaniyanı ölkənin işlərinə qarışmaqda ittiham edir
Sudan Britaniyan Birləşmiş Millətlər Təşkilatının Təhlükəsizlik Şurasının Sudan üzrə qapalı məsləhətləşmə iclasının formasını və xarakterini dəyişdirərək onun işlərinə qarışmaqda ittiham edib.
Sudan Xarici İşlər Nazirliyindən verilən yazılı açıqlamada, Birləşmiş Millətlər Təşkilatının (BMT) Təhlükəsizlik Şurası, Sudanın hərbiləşdirilmiş Sürətli Dəstək Qüvvələrinə (HDK) "çoxtərəfli sponsorluq" iddiası ilə Birləşmiş Ərəb Əmirliklərinə (BƏƏ) qarşı şikayətini müzakirə etmək üçün iclas keçirildiyi bildirilib.
Bəyanatda, "Britaniya Təhlükəsizlik Şurasında keçirilən qapalı məsləhətləşmə iclasının formatını və xarakterini dəyişdirərək, onu ümumilikdə Sudanda və qərbdə Əl-Fəşer bölgəsindəki vəziyyətlə bağlı iclasa çevirərək ölkənin işlərinə qarışdı" - deyə qeyd edilib.
Nazirliyin bəyanatında Britaniyanın BƏƏ ilə kommersiya maraqları müqabilində Təhlükəsizlik Şurasının daimi üzvü kimi öz mənəvi və siyasi vəzifəsindən və Şurada Sudanın problemlərini həll etmək öhdəliyindən imtina etməsindən təəssüfləndiyi qeyd edilib.
Açıqlamada İngiltərə hökuməti "terror qruplarının bütün xüsusiyyətlərinə" malik olduğu bildirilən HDK ilə gizli görüşlər keçirməkdə ittiham edilib və bunun İngiltərəni HDK və onun sponsoru tərəfindən törədiləni vəhşiliklərə görə məsuliyyət ortağı etdiyi ifadə edilib.
BMT Təhlükəsizlik Şurasının sözügedən qapalı iclası aprelin 29-da səhər saatlarında keçirilib və üzvlər HDK-nın Əl-Fəşer ətrafındakı hücumlarını dayandırmasını tələb edib, heç bir şəhərə hücum etməyəcəyinə söz veriblər.
