"Ağıllı e-şalvar" layihəsi reallaşdırılır
ABŞ məlumat yaza bilən ağıllı tekstil məhsullarının inkişafına 22 milyon dollar sərmayə qoyub. "Ağıllı e-şalvar" layihəsi ilə istehsal olunmağa çalışılacaq parça həm məlumatlara qənaət edə, həm də gündəlik paltarlar kimi heç bir problem olmadan yuyulub qatlana biləcək.
Aksiyon və fantastika kimi müxtəlif film janrlarının əsas simalarından biri olan ağıllı geyimlər ABŞ-ın sərmayəsi ilə real dünyaya gətirilir.
Sənaye ağıllı tekstil (AST) istehsalı üçün 22 milyon dollar həcmində böyük investisiya alıb.
Milli Kəşfiyyat İdarəsi ofisindən açıqlanan press-relizdə deyilir: "Qabaqcıl ağıllı tekstillər hazırda "Intelligence Advanced Research Projects Activity" (IARPA) çərçivəsində inkişaf mərhələsindədir".
"Ağıllı e-şalvar" adlanan bu proqram, birbaşa kumaşa toxunan kameralar, sensorlar və naqillərlə ağıllı tekstil sənayesini inkişaf etdirməyi hədəfləyən hökumət proqramıdır.
"Ağıllı e-şalvar" layihəsinin məqsədi geyim haqqında məlumatların, o cümlədən şəkillərin, video və audioların çəkilməsi və GPS məlumatlarının hökumətə ötürülməsidir.
Üstəlik, ABŞ onu elektronika ilə təchiz olunmuş gündəlik geyimlər kimi dizayn edir, lakin gündəlik istifadədə, o cümlədən parçanın uzanması, bükülməsi və yuyulması ilə bağlı heç bir problem olmayacaq.
Dünyanın ən məşhur texnologiya şirkətlərindən biri olan Apple da daxil olmaqla, bir çox təşkilat və şirkət bu tip “ağıllı parça”nın hazırlanmasına artıq sərmayə qoyub.
