"Google" Rusiyada 4 milyon rubl cərimələndi
Rusiyada məhkəmə "Google"u "YouTube"da bəzi məzmunlara girişi bloklamadığı üçün 4 milyon rubl cərimələyib.
"Google"a qarşı açılan işə paytaxt Moskvada baxılıb.
Məhkəmə “YouTube”da bəzi qadağan olunmuş məzmunlara girişin bloklanmadığı üçün qanuna əməl olunmadığına qərar verib və “Google”u 4 milyon rubl məbləğində cərimə edib.
Google əvvəllər də oxşar səbəblərə görə cərimələnib.
Şirkətin Rusiyadakı törəmə şirkəti də maliyyə öhdəliklərini yerinə yetirə bilmədiyi üçün 2022-ci ildə iflas prosesinə başlayıb.
