Baytarlar Şərq bəbirinin iki balasına belə qulluq edirlər - VİDEO
![](/uploads/posts/2023-01/1673864988_bebir.png)
Primoryedə baytarlar ən nadir heyvanın - Şərq bəbirinin iki balasına qulluq edirlər. Onlar cəmi bir ay yarımlıqdırlar. Analarından ayrı düşmələrinə səbəb əraziyə güclü qar yağmasıdır. Azan bəbir balalarını insanlar yolun kənarından taparaq ölümdən xilas ediblər.
AFN.az Rusiya mediasına istinadən xəbər verir ki, Tayqadan təxliyə edilən Uzaq Şərq bəbirinin balaları hələ çox körpə olasalar da, insanlara yetkin yırtıcılar kimi reaksiya verirlər. Ciddi xəstəliklərin yaranma ehtimalı ilə əlaqədar həkimlər xallı xəstələri tam müayinə ediblər. Rentgenləri çəkilib, analiz üçün qan götürülüb və xəzləri diqqətlə izlənilib.
Vəhşi pişiklər xoşagəlməz prosedurlara ləyaqətlə tab gətirsələr də, bir anda vəhşi xislətlərinə dönüblər. Həkimlərdən birini dişləməyə çalışdan balacanı Nadir Heyvanların Reabilitasiya Mərkəzinin əməkdaşları və könüllüləri güclə sakitləşdiriblər. Bununla belə, onları sakitləşdirmək üçün yuxu dərmanından istifadə edilməyib. Səbəb isə onların hələ çox kiçik olmaları, dərmanın orqanizmlərinə yaratdığı risklidir.
Yolları qardan təmizləyən işçilər vəhşi balaları necə tapdıqlarını danışıblar. "Yolkənarı bordürə çıxıb ətrafa baxaraq analarını axtarırdılar. Görünür, yüksək qar yağması səbəbindən qardaşlar analarıyla ayaqlaşa bilməyib azıblar. Əslində “Leopard Land” Milli Parkının sərhədlərindən çox da uzaq olmayan yolda tapılıblar".
Baytarlıq müayinəsindən sonra reabilitasiya mərkəzinin yeni nümayəndələri xüsusi karantin qutusuna yerləşdirilib. Burada onlar stressdən sonra özünə gəlir və şirniyyatlarla bəslənirlər. Körpələrə multivitaminlər əlavə edilməklə süd qarışığı verilir və ötən gün onlara ilk dəfə nahar üçün çiy qaraciyər təklif olunub. Veb-kameraların köməyi ilə bərpa prosesi milli parkın əməkdaşları tərəfindən diqqətlə izlənilir. Onlar heç vaxt belə erkən yaşda vəhşi heyvanlara qulluq etmədiklərini deyiblər.
Yazda qardaşların geniş açıq səma altındakı parklardan birinə buraxılması planlaşdırılır. Xilas edilən Amur bəbir pişik balalarının vəhşi təbiətə qayıdacaqlarını söyləmək hələ tezdir. Uşaqlar güclənəndən sonra imtahanlardan keçməli olacaqlar. Mütəxəssislər ovçuluq bacarıqlarını, insanların təbii qorxusunun mövcudluğunu və təbii zəhərli ox qurbağalarının çevikliyini onlara mənimsədəcəklər.