Azneft dairəsində asfalt örtüyü dəyişdirilir, yol bağlı olacaq
Bakının mərkəzi prospektində asfalt örtüyü dəyişdirilir, bununla əlaqədar yol polisi sürücülərə müraciət edib.
Bu barədə Bakı Şəhər Dövlət Yol Polisi (DYP) İdarəsindən bildirilib.
Qeyd edilir ki, paytaxtın Azneft dairəsində asfalt örtüyünün dəyişdirilməsi məqsədilə təmir-bərpa işləri aparılır. "Bu gün saat 16:00-dan etibarən sabah günün sonunadək ərazi bağlanacaq. Bunu nəzərə alaraq sürücülərdən həmin ərazilərdə şəxsi avtomobillərdən mümkün qədər az istifadə etməyi xahiş edirik" - deyə idarədən açıqlanıb.
