Finlandiya Rusiya Federasiyası ilə sərhəddə hasarın sınaq hissəsini istifadəyə verib
![](/uploads/posts/2023-09/1694713449_finrus.jpg)
Finlandiya Rusiya ilə sərhəddə İmatra kəndi yaxınlığında hasarın sınaq hissəsinin tikintisini başa çatdırıb.
"Yle" teleradio kanalının məlumatına görə, işlərin əsas hissəsi başa çatıb və Cənub-Şərqi Finlandiyanın sərhəd xidmətinin əməkdaşları hasarın olduğu ərazidə növbətçilik edirlər. "Yle" qeyd edir ki, inşaatçıların hələ başa çatdırmağa bir neçə xırda işləri qalıb, lakin hasarın əsas elementləri, o cümlədən şlaqbaum, bitişik yol örtüyü və müşahidə sistemləri artıq hazırdır.
Layihə meneceri İsmo Kurki telekanala açıqlamasında “Biz indi maneədən istifadə təcrübəsi qazanırıq” - deyə bildirib. Onun sözlərinə görə, hasar avqustun ortalarında tamamlanıb, lakin bəzi işlərlə əlaqədar onun istismara verilməsi gecikib.
2022-ci ilin iyununda Finlandiya Daxili İşlər Nazirliyi hökumətin ölkəni hibrid təhlükələrlə mübarizə aparmağa hazırlamaq üçün Rusiya ilə şərq sərhədindəki kritik ərazilərdə maneələr qurmağı planlaşdırdığını, o cümlədən miqrasiya problemindən siyasi fəaliyyət göstərmək üçün istifadə etməyi planlaşdırdığını elan edibi. Fevral ayında Finlandiya Rusiya ilə sərhəddə İmatra sərhəd-keçid məntəqəsi yaxınlığında üç kilometrlik hasarın sınaq hissəsinin tikintisinə başlayıb. İnşa edilən hasar texniki nəzarət sistemləri ilə təchiz olunacaq.