Papa: Dünya nüvə müharibəsi astanasındadır
Katoliklərin ruhani lideri və Vatikanın rəhbəri Papa Fransisk 1962-ci ildə Kuba raket böhranında olduğu kimi dünyanın nüvə müharibəsi astanasında olduğunu bəyan edib.
Papa Fransisk, 1958-1963-cü illər arasında Katolik Kilsəsinin lideri olmuş Papa İoann 23-ün 1963-cü ildə nəşr etdiyi "Terrisdə Pacem" adlı sülh sirkulyarının 60-cı ildönümü münasibətilə təşkil edilən konfransa çıxış edib.
Vatikanın rəsmi nəşri "Vatican News"da yer alan xəbərə görə, Papa mesajında cəmiyyətləri nüvə silahlarını aradan qaldırmağa və adi silahlardan yalnız özünümüdafiə üçün istifadə etməyə çağırıb.
“Dünyamız Ukraynadakı münaqişənin faciəvi vəziyyətində hissə-hissə aparılan üçüncü dünya müharibəsinin məngənəsində qalmaqda davam etsə də, nüvə silahına əl atmaq təhlükəsi də yox deyil”, - deyə Papa bildirib.
O, qeyd edib ki, indiki vəziyyət 1962-ci ilin oktyabrında Kuba raket böhranında olduğu kimi dünyanın nüvə müharibəsi astanasında olduğu dövrü xatırladır.
Katoliklərin ruhani lideri bəyan edib ki, nüvə silahlarından azad dünya mümkündür və lazımdır.
