"Boeing"in baş icraçı direktoru qapı qəzası səbəbiylə nəhəng bonusu əldən verib
Yanvarda uçuş zamanı "Boeing 737 MAX"ın qapısında yaranmış nasazlıqdan sonra "Boeing"in baş icraçı direktoru David Kalhoun 2,8 milyon dollar bonusunu itirib.
"Boeing"in rəhbəri 2023-cü ildə 33 milyon dollar maaş alıb, lakin 2024-cü ilin əvvəlində Alyaska Hava Yollarına məxsus təyyarədə baş verən qəzadan sonra 2,8 milyon dollar bonusdan imtina edib.
Amerikanın nəhəng təyyarə istehsalçısının dünən axşam dərc olunan illik hesabatına görə, ilin sonunda vəzifəsini tərk edəcək David Kalhoun 1,4 milyon dollarlıq əsas maaşdan əlavə, 30 milyon dollardan çox səhm ekvivalentində maaş alıb.
Bununla belə, "Boeing" hesabatda Alyaska Hava Yolları qəzasına görə Kalhounun illik təşviq mükafatını almadığını və İdarə Heyətinin bu tələbi qəbul etdiyini bildirib.
