Kanadalı aktyor Donald Sazerlend vəfat edib
“Qürur və qərəz” və “Aclıq oyunları” filmindəki rolları ilə tanınan kanadalı aktyor Donald Sazerlend 89 yaşında vəfat edib.
Bu barədə aktyorun oğlu Kifer X-də məlumat verib. "Dərin kədərlə sizə xəbər vermək istəyirəm ki, atam Donald Sazerlend vəfat edib" - deyə o hesabında paylaşıb.
"Deadline" portalının məlumatına görə, aktyor uzun sürən xəstəlikdən sonra Mayamidə dünyasını dəyişib.
Kanadanın baş naziri Castin Trüdo aktyorun ölümü ilə bağlı başsağlığı verib.
Sazerlendin filmoqrafiyasına 100-dən çox film, o cümlədən mistik triller “Don't Look Now”, “The Dirty Dozen” və “Field Hospital” filmləri daxildir. Aktyor iki Qızıl Qlobus və fəxri Oskarın qalibi olub.
